خه‌باتا قوتابی و لاوان د سالڤه‌گه‌را خوه‌ێا 67 دا پیرۆزه
زه‌نوون سلێڤانه‌ی/ زاخۆ
بێگومان ل ژێر راسپارده و بریارا سه‌ركرده‌یێ مێژووی بارزانیێ نه‌مر ئێكه‌تیا قوتابیان و ئێكه‌تیا لاوێن دیمۆكراتی كوردستانێ كو ئه‌ڤ هه‌ردو رێكخراوێن پێشه‌یێ و جه‌ماوه‌ری ل رۆژا 18 شواتا سالا 1953 دا هاتیه دامه‌زراندن هه‌تا نها ژی د ڤی ته‌مه‌نێ خوه‌یێ 67 سالیێ دا یێ ده‌ربازدبیت د ڤێ رێپیڤانا خوه‌یا د خه‌باتا سیاسی و ره‌وشه‌نبیری دا و بێ راوه‌ستیان بوویه پشكه‌ك ژته‌مامكه‌را به‌رده‌وامیدان ب ڤێ خه‌باتا زانستی و پێگه‌هاندنێ و به‌رگریكرن ژ مافێن قوتابی ولاوان د ئه‌رك و بزاڤێن خوه‌دا ڤان هه‌ردو رێكخراوێن پیشه‌یێ و جه‌ماوه‌ری د چاندنا هزروبیرێن هه‌ستا نه‌ته‌وه‌ی و په‌یداكرنا ژینگه‌هه‌كا ساخله‌م د ناڤا ناڤه‌ند و پێگه‌هێن قوتابی و لاوێن كوردستانێ دا.
سه‌باره‌ت هه‌بوونا ئێكه‌تیا قوتابیان و ئێكه‌تیا لاوێن دیمۆكراتا كوردستانێ وه‌ك ئێكه‌مین رێكخراو ل سه‌ر ئاستێ كوردستانێ و ده‌رڤه‌ی هه‌رێمێ ژی ناڤه‌ند و رێكخراوێن خوه هه‌نه، چونكو هه‌كه ئه‌م ل مێژوویێ یاڤان هه‌ردوو رێكخراوێن هه‌نێ بنێرین ب درێژاهیا د قووناغێن سه‌خت و ل سه‌ر ده‌مێن شۆره‌ش و به‌رخوه‌دانێ د خه‌باتا چه‌كداریێ ژی دا مل ب ملێن كاروانێ پێشمه‌رگێ قه‌هره‌مان ڤه و پشكداریكرن د به‌رۆكێن جه‌نگی دا به‌رسینگرتنا گه‌ف و ئێرش و نه‌هامه‌تیا رژێمێن داگێركه‌ران به‌رگریكرن ژ ئارمانج و ده‌ستكه‌ڤتیێن گه‌لێ كورد به‌رده‌وام بووینه ئێك ژچرایێن گه‌ش د بزاڤا رزگاریخوازا كوردی دا ب رۆلێ ب سه‌رپه‌رشتیا سه‌ركرده‌یێ مێژووی بارزانیێ نه‌مر د گۆتنه‌كا خوه‌دا په‌سن و پێناسه‌كرنا رولێ خه‌باتا قوتابی ولاوان كریه وه‌سا گۆتیه (قوتابی سه‌رێ رومێنه دهه‌می شوره‌ش و راپه‌رینان دا، لاوێن كورد شویرها پوولاینن بۆ پاراستنا كوردستانێ یه)
له‌ورا ئیرۆ ژی هه‌ژی هندێ یه ئه‌م ژی به‌رده‌وام په‌سن و پێناسه‌كرنا رۆلێ ڤێ خه‌بات و تیكۆشینێ بكه‌ین ل دۆر كار و ده‌ستكه‌فتین وان دقووناغا ئیرۆ تێدا ده‌ربازدبیت د ناڤا ناڤه‌ند و رێكخراوێن جڤاكی و سڤیل و د كارێ راگه‌هاندنێ دا.
لێ ل ڤێرێ ئه‌م دشێن بێژین پتریا به‌رپرس و رێڤه‌به‌رێن خوه‌دان شیان و بسپۆر د ناڤا داموده‌زگه‌هێن میری دا كاردكه‌ن و ل ئه‌نجوومه‌نی په‌رله‌مان و حوكمه‌تا هه‌رێما كوردستانێ دا دخواندنگه‌ها ڤێ ئێكه‌تیێ دا ده‌رچووینه،
دێ ڤه‌گه‌رن بال دیرۆك و خه‌باتا قوتابی و لاوان سه‌ركه‌ڤتنا ڤان شۆره‌ش و سه‌رهلدانێن ده‌ربازبوویێ دا نه‌ك ب تنێ ل سه‌ر ملێن ته‌خ و چینه‌كێ بوویه، ئانكو ئه‌ڤ ته‌خا قوتابی و لاوو ژی پشكه‌ك ژ به‌رده‌وامیدانا ڤێ خه‌باتا زانست و پێشڤه‌برنا ئاڤ و ئاڤه‌دانبوونێ ل هه‌رێما كوردستانێ، د هه‌می وارێن ژیانێ دا ئارمانجه‌كا پێ هه‌یێ د پاشه‌رۆژێ دا په‌یامێن سه‌ركه‌ڤتنێ مسۆگه‌ر بكه‌ت و پاراستنا ڤی هێڤێنێ ره‌نج و خه‌بات و قورانیدانا گه‌لێ كورد ئه‌ڤه هه‌می ژی بۆ هندێ یه دئێته‌كرن كو بگه‌هینن گوپیتكا سه‌رخه‌بوون و سه‌ربخوه‌یێ یا كوردستانێ ب ڤێ یادا 67 مین سالڤه‌گه‌را دامه‌زراندنا ئێكه‌تیا قوتابیان و ئێكه‌تیا لاوێن دیمۆكراتا كوردستانێ ل گشت ته‌ڤایا قوتابی و لاو گه‌لێ كوردستانێ پیرۆزبیت.
