ڤایروسێ كورونا دبیت بیته ئه‌گه‌رێ هه‌لوه‌شاندنا ئه‌ڤان هه‌ردو قاره‌مانیا
ئه‌ڤرۆ نیوز:
پشتى ل ماوێ چه‌ند رۆژێن بورى هژماره‌كا وه‌لاتێن جیهانى و تایبه‌ت یێن كێشوارێ ئاسیا توشى وى ڤایروسێ كورونا بووین كو ب مه‌ترسیترین ڤایروس دهێته هژمارتن نوكه ل جیهانێ .
راپورتێن رۆژنامه‌ڤانى ل چه‌ند وه‌لاتێن عه‌ره‌بى و ئاسیاوى وه‌سا دیاركرینه دبیت ئه‌و ڤایروس بیته ئه‌گه‌رێ هه‌لوه‌شاندنا هه‌ردو قاره‌مانیێن چامپیونیز لیگا ئاسیا و كاسا ئێكه‌تیا ئاسیا یا ته‌پا پێ ژبه‌ركو هژماره‌كا مه‌زن یا وه‌لاتێن ئاسیا توشى وى نه‌خوشیێ بووینه و به‌رده‌وام یارى دهێنه پاشئێخستن.
ئێكه‌تیا ته‌پا پێ یا ئاسیا ب فه‌رمى یاریێن گه‌را بهێت ژ وێ قاره‌مانیێ پائێخستن بوو ده‌مه‌كێ دى ئه‌وژى یاریێن وحده یا ئیماراتى ل گه‌ل ئیستقلال یا ئیرانى و تعاون یا سعودى ل گه‌ل پیرسپولیس یا ئیرانى و ئه‌هلى دبى یا ئیماراتى ل گه‌ل شاهر خودرو یا ئیرانى و سیبهاهان یا ئیرانى ل گه‌ل نه‌سر یا سعودى وسیول یا كورى ل گه‌ل تشانگراى یا تایله‌ندى ئه‌وژى ژبه‌ر وێ نه‌خوشیا نوكه هژماره‌كا وه‌لاتێن ئاسیا توش بووینێ هه‌ردیسان ژلایه‌كێ دیڤه یاریێن یانێن به‌حرێنى و كوێتى د كاسا ئێكه‌تیا ئاسیا دا هاتنه پائێخستن .
ئه‌وان راپورتێن رۆژنامه‌ڤانى ئاماژه ب وێ چه‌ندێ ژى كریه هه‌كه ره‌وش ب ڤى ره‌نگى بیت دبیت ئێكه‌تیا ئاسیا ل وه‌رزێ ئه‌ڤ ساله چالاكیێن خوه ب رواستینت پشتى ل ماوێ بورى چه‌ند چالاكیێن بچووك راوستاندین .
هه‌ژى گوتنێ یه هه‌تا نوكه پشتى بورینا دو گه‌ران ژ قاره‌مانیا چامپیونیز لیگ هه‌ر ئێك ژ یانێن شنگهاى شنهوا و شنگهاى و گوانگز یێن چینى یاریێن خوه نه‌كرینه ژبه‌ر وێ نه‌خوشیێ .