سێ پرتوكێن فه‌رهاد عه‌ونى ل دهۆكێ هاتنه ئیمزا كرن
ئه‌ڤرۆ نیوز، زنار تۆڤى:
ئه‌ڤرۆ شه‌مبیێ 29 شواتا 2020 سێ پرتوكێن نڤیسه‌ر رۆژنامه‌ڤان فه‌رهاد عه‌ونى ل پرتوكخانا به‌درخانیان ل دهۆكێ هاتنه ئیمزا كرن، دڤى وارى دا نڤیسه‌ر و رۆژنامه‌ڤان فه‌رهاد عه‌ونى، بۆ ئه‌ڤرۆ نیوز دیار كر: ئه‌ڤه جارا چارێ یه ئه‌و سه‌ره‌دانا دهۆكێ دكه‌ت، ژ پێخه‌مه‌ت دابه‌شكرنا پرتوكێن خوه، كو هنده‌ك ژ وان ب زمانێن عه‌ره‌بى بوون، لێ ڤێ جارێ هه‌ر سێ پرتوكێن وى ب زمانێ كوردى نه، پرتوكا ئێكێ ب ناڤێ ” له هه‌گبه‌م دا” پرتوكا دویێ ب ناڤێ ” له گه‌ل رووداوه‌كان” و یا سیێ ب ناڤێ ” سیه و شه‌ش نامه و چه‌ند كه‌سایه‌تێكى دیوانى من”، كو وى پێشكێشى چه‌ند ره‌وشه‌نبیر و نڤیسه‌رێن دهۆكێ كرن، كو د ڤان پرتوكان دا، وى چه‌ند روودانێن وى ب چاڤ دیتین ڤه‌گێراینه، دیسان ئه‌و پشكه‌ك بوویه ژ بزاڤا ئازادیخوازا ملله‌تێ كورد، كو د ڤێ چه‌ندێ دا وى روودان ب چاڤێن خوه دیتینه، هه‌روه‌سا به‌حسێ ژیانا خوه دكه‌ت، هه‌تا نوكه وى 10 پرتوك چاپكرینه ژ دیوانێن عه‌ونى، دیسان ل سه‌ر ئه‌ركێ خوه وى ئه‌ڤ پرتوكه هه‌موو چاپكرینه و هه‌ر ژ زاخۆ هه‌تا خانه‌قین ب ئیمزایا خوه و بێى به‌رامبه‌ر پێشكێشى ره‌وشه‌نبیر و نڤیسه‌رێن كوردستانێ دكه‌ت، مه‌ره‌ما وى ژ ڤێ چه‌ندێ ئه‌وه، كو زانیاریان پێشكێشى خه‌لكێ كوردستانێ بكه‌ت، ل سه‌ر ده‌مێ شۆره‌شا ئیلۆنى، دیسان وى ڤیایه وان زانیاریان بۆ نڤشێ نوو بده‌ته خویاكرن، ژ پێخه‌مه‌ت وان ژى زانیارى ل سه‌ر ده‌مێن بورى هه‌بن.
