چار تانكه‌رێن په‌ترۆلا داعش ب شوفێر ڤه دهێنه ده‌سته‌سه‌ركرن
ئه‌ڤرۆ نيوز، نيوار محه‌مه‌د سه‌ليم:
به‌رپرسه‌كێ پارتى يێ پله‌بلند راگه‌هاد كو ليوا دو يا پێشمه‌رگه‌ى چار تانكه‌رێن په‌ترۆلا دزيێ يێن داعش ده‌سته‌سه‌ركرينه و شۆفێرێن وان ژى گرتينه.
كه‌مال كه‌ركووكى، ئه‌ندامێ مه‌كته‌ب سياسيا پارتى ديموكراتى كوردستان و به‌رپرسێ هێزێن پێشمه‌رگه‌ى ل به‌ره‌ى دبس-كه‌ركووك بۆ شفق نيوز كو ليوا دو يا هێزێن پێشمه‌رگه‌ى د ناڤبه‌را زالگه‌ها مامه و خرابه‌رووت شيان چار تانكه‌رێن پرى په‌ترۆلا دزيێ يا ده‌وله‌تا ئيسلامى ده‌سته‌سه‌ر كه‌ن ل گه‌ل شۆفێران ئه‌وا كو ل به‌ربوو بۆ مه‌ره‌مێن بازرگانى بكاربينن.
زێده‌تر گۆت: “پشتى ده‌سته‌سه‌ركرنێ ئه‌و كه‌س بۆ دادگه‌هێ هاتينه ڤه‌گۆهاستن دا كو ڤه‌كۆلين ب ره‌نگه‌كێ قانوونى ل گه‌ل بهێته كرن و دياربيت چاوان داعش ب ره‌نگه‌كێ نه‌يێ شه‌رعى بازرگانيێ ب په‌ترۆلێ دكه‌ت و هه‌موو ئه‌و پێزانين ديار ببن”.
پشتى ده‌وله‌تا ئيسلامى ده‌ست ب سه‌ر روويه‌كێ به‌رفره‌هـ يێ ئه‌ردى ل باكوور و رۆژئاڤايێ عيراقێ دا گرتى، شيان ده‌ست بداننه سه‌ر هژماره‌كا زۆرا بيرێن په‌ترۆلێ و بكه‌نه ئێك ژ ژێده‌رێن خوه يێن سه‌ره‌كى يێن ده‌ستخستنا داهاتى ب رێيا فرۆتنا وێ ب بازارێ ره‌ش.
