كومپانیەک دێ نه‌خۆشخانه‌كا تایبه‌ت ب كۆرۆنایێ ڤە ل دهۆكێ چێکەت
ئه‌ڤرۆ نیوز، نه‌وزاد هلۆرى:
وه‌كو پشته‌ڤانى بۆ ژوورا ئوپه‌راسیۆنا به‌رهنگاربوونا ڤایرۆسێ ل كوردستان و پارێزگه‌ها دهۆكێ، كومپانیا كاڤین گروپ دێ ده‌ست ب چێكرنا نه‌خۆشخانه‌كا تایبه‌ت ب چاره‌سه‌ركرنا نه‌خۆش و توشبوویێن ڤایرۆسێ كۆرۆنایێ ل باژێرێ دهۆكێ کەت.
كامیران عه‌بدوللا، نوونه‌رێ كومپانیا ناڤهاتی بۆ ئه‌ڤرۆ نیوز گۆت: (وه‌كو ئه‌ركه‌كێ نیشتمانى و مرۆڤایه‌تى، لبه‌ر چاڤ وه‌رگرتنا ره‌وشا كوردستانێ و هه‌ڤكاریكرنا ژوورێن ئوپه‌راسیوونێن به‌رهنگاربوونا ڤایرۆسا كۆرۆنایێ ل هه‌رێما كوردستانێ ب گشتى و پارێزگه‌ها دهۆكێ ب تایبه‌تى وه‌كو كومپانیا كاڤین گروپ مه ده‌ست ب چێكرنا نه‌خۆشخانه‌كا تایبه‌ت ب كۆرۆنایێ ل باژێرێ دهۆكێ كر).
زێده‌تر گۆت: د ده‌مێ حه‌فت بۆ 10 رۆژێن بهێت نه‌خۆشخانه دێ ب دووماهی هێت و دێ كه‌ڤیته د خزمه‌تا رێڤه‌به‌ریا گشتى یا ساخله‌میا پارێزگه‌ها دهۆكێ دا، اکو ئه‌و ژى بشێن خزمه‌تا خه‌لكى پێ بكه‌ن، نەخۆشخانە دێ ل پشت نەخۆشخانا ئازادی هێتە چێکرن، هژمارا تەختان دێ ب گورەی پێدڤی یا ساخلەمیا دهۆکێ بیت، بەلێ کێمتر نابیت ژ 50 تەختان).
ناڤبرى دیاركر ژى كو ژبلى چێكرنا نه‌خۆشخانێ، هه‌ڤده‌م هه‌موو پێدڤیێن نۆشدارى و ساخله‌مى یێن نه‌خۆشخانێ ژى دێ هه‌ر ژلایێ كومپانیا كاڤین گروپ هێنه دابینكرن.