ھەولێر چاڤه‌رێ چاره‌نڤيسێ خوه‌يه
ئەڤرۆ:
شاندێ تیما تەپا پێ یا یانا ھەولێر ب رێکا فروکخانەیا سلێمانیێ بەر ب قەتەر چو د رێکا خوە دا بو وەلاتێ کونک کونگ، ب ئارمانجا کرنا یاریا دویێ یا قوناغا پێش دووماھیا قارەمانیا کاسا ئێکەتیا ئاسیا یا تەپا پێ د گەل یانا کیتجی یا ڤی وەلاتی.
پشتی د یاریا ئێکێ دا ل ئوردن یاریا ڤان ھەردو یانا یا ئێکێ ب گولەکێ ب وەکھەڤی ب دووماھی ھاتی ئەرکێ یانا ھەولێر یێ ب ساناھی نابیت د ڤێ یاریا دویێ دا چونکو پێدڤی ب سەرکەفتنێ یە پێخەمەت ب دەستڤە برنا پلێتا دەربازبونا یاریا دووماھیێ یان وەکھەڤی ب ئەنجامەکێ مەزن ژ یێ یاریا ئێکێ.
د ڤێ یاریێ دا ھەرسێ یاریکەرێن یانا ھەولێر دیار رەحمان، سیروان خدر و ھەوار مەلا محەمەد پشکداریێ ناکەن و د گەل شاندی نە چوینە ب ئەگەرا ھنگافتنێ، کو ھەتا رادەکی نە پشکداریا ڤان یاریکەران ژی دبیت کارتێکرنا خوە ھەبیت و د یەکا خوە یا ئێکێ یا راھێنانێ دا ل وەلاتێ ھونک کونگ راھێنەری زێدەتر گرنگی دایە بوراێ لێدانێن سزای ژبو وێ چەندێ یاریکەر د بەرھەڤ بن ھەکە یاری بەر ب لێدانێن سزایان چوو.
