هونه‌رێ ئاڤاكرنا په‌یوه‌ندیان
ب هه‌بوونا مرۆڤی ل سه‌ر ڤی زه‌مینێ و رۆژ بۆ رۆژێ و خۆشكرنا په‌یوه‌ندیێن جڤاكی, هه‌ر بگره ژ ده‌مێ مرۆڤ د قووناغا زارۆكینێی ده‌ربازببیت و بۆ قووناغێن دیترێ بچیت وه‌ك قووناغا سنێلیێ و گه‌نجاتیێ و هه‌تا دانعه‌مریێ لێ بهێت هه‌می ده‌م و ته‌مه‌نان مرۆڤ پێدڤی ئاڤاكرنا كه‌ساتیا خوه هه‌یه ل ده‌ڤ كه‌سێن دیتر د جڤاكی دا چ د ناڤ كونان دا بیت یان باژێر و جهێن كاری دابیت بگره ژ رێزا قوتابخانێ دا وه‌ك قوتابی و پاشی مامۆستا و رێڤه‌به‌ر و فه‌رمانبه‌ر و پێشمه‌رگه و به‌رپرس و ئاغا و مه‌زن و رهسپیێن ده‌ڤه‌رێ و. . هتد. به‌لێ یا دیار و ئاشكه‌رایه هونه‌رێ ئاڤاكرنا كه‌رستان زۆر ب ساناهی لێ هاتیه ده‌وله‌ت سه‌رێ هێزكرنا ئاستێ زانستێ و ته‌كنولوژیا جیهانێ و كه‌سێن خودان هزر و داهینان و شاره‌زایێن سه‌ر ڤی ده‌می كو هه‌می رێك ب ساناهی لێ دكن ژ بۆ گه‌هاندنا په‌یوه‌ندیان بگره ژ هێلێن ته‌له‌فۆنان و كۆمپیوته‌ر و ئه‌نترنێتان و هه‌می وارێ ژیانی َدا و ئاڤاكرنا ئاڤاهیان و نه‌خش و نیگارێ وێ یێ جوان ب شێوه‌یه‌كێ رێكوپێك دهێت ده‌یناندن ژلایێ ئه‌ندازیارێن سه‌رپه‌رشت و ئه‌ڤه هه‌می نه خه‌ونه به‌لكو راستی یه و دڤیا ئه‌م ژی وێ ئاڤاكرنێ په‌یدابكین د ناڤ جڤاكێ خوه دا به‌لێ ب رێیا هه‌بوونا زانست و فێركرن و ماندیبوونێ یه هه‌تا بگه‌هین وێ رادێ چه‌كێن به‌ره‌ڤانیێ ژی چێ بكین دا هه‌می ده‌ما دچه‌په‌رێن خه‌باتێ دا براوه‌ستین ل به‌رامبه‌ر هه‌ر دوژمنه‌كێ چه‌په‌ل كو حه‌ز و ته‌ماكاریا ئاخا مه هه‌بیت د پاشه‌رۆژێ دا. به‌لێ ئه‌ڤ ئاڤاكرنه ب دیتنا گه‌له‌ك زانا ب ساناهی نی نه و به‌لكو ماندیبوون دگه‌ل دایه و چونكو ده‌رگه‌هێن بازرگانی ڤه‌دبت, جار شاشی و فه‌وزا تێدا سه‌رهلدبن و گه‌له‌كا بن ئاخ دكت و بێ باوه‌ریێ د ناڤبه‌را واندا په‌یدا دكه‌ت و كار دمینت راوه‌ستایی, یا ژ هه‌مێ باشتر ئه‌ڤرۆ ئه‌م هه‌می رێیێن خۆشكرنا هونه‌رێ ئاڤاكرنا په‌یوه‌ندیا د ناڤبه‌را خوه دا په‌یدادكه‌ن و كه‌ساتیا مرۆڤی و به‌رامبه‌ر خورت و هێز بكین و ل دووڤ نه‌خشێ زانایێن ده‌رونناسی و جڤاكی ئه‌ڤ خالێن ل خوارێ دیار دكین ب رێیا:
1- گرنگیدان ب به‌رانبه‌ری خوه أ- باوه‌ریێ بۆ خوه چێبكه كو كه‌سێن به‌رامبه‌ری ته ژی گرنگن ب – وی ئاگه‌هدار بكه كو گه‌له‌ك داخباری ل ته كری یه ژ دانوستاندنا وی 2- كه‌سایه‌تیا خوه به‌رچاڤ بكه, ب ڤان رێیان: ا- پێنگاڤێن خوه بێ ترس بهاڤێژه بۆ هه‌ر كاره‌كێ تو بكه‌ی ب- ده‌مێ تو ده‌ستێ ئێكێ بگڤێشی و بچی ده‌ستی بێ موباله‌غه هه‌ره ده‌ستی ت- ده‌نگێ خوه باش بینه ده‌رێ ژ گه‌وریا خوه و بێ چه‌پوچیر ج- ده‌مێ تو دئاخڤی نه‌هێله زمانێ ته خیانه‌تی ل ته بكت تو گه‌له‌ك باخڤی كو بێ مفا بیت ح- حه‌ماسه‌تێ ل سه‌ر كه‌سایه‌تیا خوه دا زێده‌بكه و ب حه‌ماس كارێ خوه بكه یێ دده‌ستێ ته‌دا خ- ب هیڤی و ئومێد و گه‌شبین به بو پاشه‌رۆژێٍ د – هه‌می ده‌ما بلا جل و به‌رگێن ته پاقژ و جوان بن و- ل ده‌مێ سوپاسنامادا یێ چاڤلێكه‌ر نه‌به و گه‌له‌ك موجامه‌لێ ژی نه‌كه ی – رێز و سوپاسیێن خوه ئاراستی وان كه‌سان بكه یێن ژدل كاردكن. 3- هه‌ول بده كه‌سایه‌تیا خوه ل ده‌ف به‌رامبه‌ری خوه ئاشكه‌رابكه ب ڤان رێیان 1- ده‌ستپێكا ئاخفتنا ته بلا ل سه‌ر بنیاتێ حه‌زژێكرنێ دا بیت 2- بۆ به‌رامبه‌ری خوه بێژه تو دزانی ئه‌و چه‌ند باشه ل ده‌ڤ ته 3- بزانه به‌رامبه‌ری ته دێ هزرێن ته دادگه‌ه كن ب رێكا ده‌رگه‌هێ دانوستاندنێ تو دگه‌ل وان دا بكی نه بۆچوونێن ته ب تنێ بیت و ئه‌و هزر بكن تو خوه دسه‌پینی ل سه‌ر وان 4- هه‌می ده‌مان ب ده‌ڤ گرنژین و خءشتڤی به.
