ڕامانا په‌یڤا (ڕێڤه‌به‌ر) د هزرا ده‌نگده‌راندا!

گه‌لی ده‌نگده‌را هوون ل سه‌ر چ بنیات ده‌نگێ خوه‌ ده‌نه‌ به‌ربژێرێ خوه‌؟ ژ به‌ركو یێ نێره‌ یان یا مێ یه‌؟ ئه‌رێ هنده‌ك ژ هنگۆ ژ چه‌په‌رێ فلانی و هنده‌ك ژ چه‌په‌رێ بێڤانی! هوون نه‌ وێرن ده‌نگێ خوه‌ نه‌ده‌ن و نه‌ وێرێن ده‌نگێ خوه‌ ژی بده‌ن, ژبه‌ركو تو دترسی نانێ ته‌ بهێته‌ بڕین (ئه‌ندامۆ)! مه‌رجێن به‌ربژاری چنه‌ كو ببیته‌ كاندیدات؟ دڤێت ئه‌ز كیژ ره‌نگ بم دا بكارم بمه‌ ڕێڤه‌به‌ر؟ دڤێت چه‌ند مار دزگێ مندا بن دا سه‌ره‌ده‌ریێ د چاره‌سه‌كرنا ئارێشێن ئه‌ندامێن خوه‌ بكه‌م؟ دڤێت كی پشته‌ڤانییا من بكه‌ت و كی پشتا من بگریت و من پێشكێش بكه‌ت كو ئه‌ز بكێر دهێم و كه‌س ژمن باشتر نینه‌ كو بمه‌ (ده‌ڤخه‌به‌ر)؟, دڤێت ئه‌ز پره‌كا باشم وه‌كی ئه‌ڤێ به‌ری خوه‌ به‌رپرس ب پێلاڤه‌ ل سه‌ر پشتێ ده‌رباز ببیت؟ نه‌بێژم ئای. هه‌كه‌ سه‌یدای گۆتێ و فه‌رمان دا تنێ ئه‌ز بێژم: بلا ئه‌ز به‌نی!, به‌ری ئه‌ز (سی ڤی)یا خوه‌ پێشكێشی جهێ كاری بكه‌م ئه‌ز دخزمه‌تا كێ دا بم؟ دخزمه‌تا ئه‌ندامان؟ یان یا لایه‌نان دا كار بكه‌م؟ پا بێهنا نه‌هه‌قیێ و ڕزیاتیێ یا ژ مه‌ دفڕیت ئه‌ی هه‌وار! پا ئه‌م دپیسین ئه‌ی هه‌وار! پا ئه‌م د دره‌وین و سێ چتار ڕێكین گه‌لۆ! ما نه‌ مه‌رجێن به‌ربژاره‌تیێ دهێنه‌ به‌لاڤكرن به‌ری بیته‌ رۆژا ده‌نگدانێ هه‌كه‌ كه‌سه‌ك هه‌بیت و دخوه‌ڕا بینیت سه‌رجه‌له‌بیێ بكه‌ت!؟ به‌ربژار چ بكه‌ت به‌ری ببیته‌ هه‌لامه‌ت ل وێ ڕۆژێ؟ به‌رهه‌ڤی چنه‌ كو (به‌رحه‌زه‌ك) هه‌بیت ببیته‌ ڕێڤه‌به‌ر؟ ئه‌رێ ڕامانا (ڕێڤه‌به‌ر) چییه‌ د تێگه‌هشتنا مه‌ ده‌نگده‌راندا؟وه‌كی ده‌نگده‌ر ئه‌ز دبینم مه‌رج ئه‌ڤه‌نه‌: 1. به‌ربژار دڤێت ئاستێ وی یێ قۆچانێ چه‌ندبیت؟ 2. دڤێت بسپۆری هه‌بیت د هه‌رسێ هونه‌ران دا. 3. شانۆكار بیت: ئه‌كته‌ر بیت بكاریت بكه‌ته‌ گری و كه‌نی ژ قه‌ستا د هه‌می جۆره‌ هه‌لكه‌فتن و ئاهه‌نگان دا. 4. مۆزیكڤان بیت: ته‌مبوورڤان بیت و تایبه‌ت دهۆل قوت بیت، دهۆلێ بزانیت لێبده‌ت، ڤێجا چ دهۆلكا ئێكی بقوتیت یان دهۆلێ بۆ ئێكی لێده‌ت! هه‌روه‌سا بسپۆری د لێدانا (پیكێ) دا هه‌بیت. 5. شێوه‌كار بیت: تابلۆیێن كه‌سێن خالی و ڤالا دورست بكه‌ت, په‌یكه‌رێن دره‌وا ل باژێری دانیت. 6. دڤێت تو زارۆ و خێزانا خوه‌ ژبیربكه‌ی و ڕازیكرنا سه‌یدای گرنكتره‌ ژ په‌روه‌ردا عه‌یالی و پێدڤیێن مالێ. 7. له‌ق هاڤێژ و سه‌ره‌خۆر بی, تێر نه‌بی ژ كۆمكرنا پاری. 8. ل سه‌ر ڤان مه‌رجان دڤێت خودان (نه‌شال) بیت! ئانكو دزیكه‌ر بیت و یێ شاناز بیت د دزیێن خوه‌ دا. 9. ده‌ستبه‌ردان ژ كاری نابیت, هه‌تا بهێیه‌ هه‌لكێشان, ده‌ركرن, یان ڕه‌زیلكرن. 10. دو رووی یان سێ رووی بیت. 11. گیانێ خوه‌به‌خشكرنێ هه‌بیت. زه‌حمه‌ته‌ و بكه‌سێڤه‌ ناهێت ئه‌ڤ مه‌رجێن گۆتی. رێڤه‌برنا ده‌زگه‌هه‌كی یان جهه‌كێ فه‌رمی دخوازیت كه‌ساتیه‌كا ب هێز و شاهره‌زا و خودان مێشكه‌كێ ساخله‌م و زانسته‌كێ بلند و ئێكسانی د هزر دیتنا سه‌روچاڤاندا بسپۆر بیت. نه‌ك د زیره‌ك و ساخله‌مبن بۆ گرتنا كورسیان و ل سه‌ر گولتا دچین بۆ كاری و شۆلی.. دێ كه‌ره‌م بكه‌ن خوه‌ ب هه‌لبژێرن هوون دئازادن.

کۆمێنتا تە