دێ کلیپەکا نوو بەلاڤ کەت
ئەڤرۆ نیوز، عەلی حاجی :
دەمەکە هونەرمەند رێکێش سەیرانی مژوولی تۆمار کرن و وێنەکرنا سترانەکا نوو یا ئایینی یە و کارکرن د وێ کلیپێ دا بەرەف قوناغێن دووماهیێ یە
دەرهێنەر هەژار مەجید بۆ ئەڤرۆ نیوز گۆت : ئەو سترانا نوو یا هونەرمەند رێکێش سەیرانی ژ پەیڤ و ئاوازێن تالب بالندی نە و ژ ئاوازا رێکێش سەیرانی ب خوەیە و میکس و ماسترینگ و تومار کرنا سترانێ ل ستودیویا زەمان میوزیک هاتیە تومار کرن، دەمەک بوو مژوولی کلیپ کرنا وێ سترانێ بووین و جودا ژ بەرهەمێن دیترێن ئایینی دیمەنێن وێ کلیپێ دناڤ سروشتێ جوانێ کوردستانێ دا ل دەڤەرا بێتاسێ هاتیە وێنەکرن و کارێ دەرهێنانێ وێ من ب خوە کری یە و وەکو وێنەگر ژی عسمەت سالح وێنەکری یە و مونتاژ ژی نیهاد جیهادە، ئەڤە دبیتە ئێکەم سترانا ئایینی یا رێکێش ئایینی د ماوەیێ ئەڤ سالە دا تومار دکەت و پێنچەم کلیپا وی یە کارێ دەرهێنانێ تێدا دکەم.
خویا کر ژی ” کلیپ نوکە دقوناغا مونتاژێ دایە و ب شێوەیەکێ لەز ئەم یێ کار تێدا دکەین و بریارە د ماوێ دو روژێن بهێت دا ئەو کلیپ ب سەر کەنالێن راگەهاندنێ دا بهێتە بەلاڤ کرن “.