تاقیگەهەكا تایبەت ب پشكنینێن كۆرۆنایێ ل ئاکرێ هاتە ڤەكرن
ئەڤرۆ نیوز:
ب بەر هەڤبوونا د. سامان بەرزنجی وەزیرێ ساخلەمیا حكوومەتا هەرێما كوردستانێ و سەرۆكێ لێژنەیا ساخلەمیێ ل پەرلەمانێ كوردستانێ و رێڤەبەرێ گشتیێ ساخلەمیا پارێزگەها دهۆكێ و رێڤەبەرێ ساخلەمیا ئاكرێ و دام و دەزگەهێن حكومی تاقیگەها پشكنینا ڤایرۆسێ كۆرۆنا ل ئاكرێ هاتە ڤەكرن.
سەباح زوهێر، بەرپرسێ راگەهاندنا ساخلەمیا ئاكرێ راگەهاند ل دەستپێكا بەلاڤبوونا ڤایرۆسێ كۆرۆنا هەتا نوكە ل ئاكرێ زێدەتر ل 2500 نمونەیان ل وەلاتیان هاتینە وەرگرتین بۆ ئەنجامدانا پشكنینا بۆ ڤایرۆسێ كۆرۆنا، هەموو نمونە هاتینە رەوانەكرن بۆ تاقیگەهێن دهۆك بو وەرگرتنا ئەنجامێن وان نمونەیا، ژ بەر كو هەتا نوكە ل قەزا ئاكرێ تاقیگەها پشكنینا نەبوو.
