نێچیرڤان بارزانی: دەزگەهێ خێرخوازی یێ بارزانی خزمەتەكا مەزن ل ناڤخۆ و دەرڤەی هەرێما كوردستانێ پێشكێشی لێقەومایان كریە
سەرۆكێ هەرێما كوردستانێ ب هەلكەفتا سالڤەگەڕا دامەزراندنا دەزگەهێ خێرخوازی یێ بارزانی، پیرۆزباهیێ لێ دكەت.
رۆژا سێشەمبی 4/8/2026، نێچیرڤان بارزانی، سەرۆكێ هەرێما كوردستانێ د پەیامەكێ دا پیرۆزباهییا سالڤەگەڕا 21 یا دامەزراندنا دەزگەهێ خێرخوازی یێ بارزانی كر.
سەرۆكێ هەرێما كوردستانێ د پەیاما خۆ دا دبێژیت: «سالڤەگەڕا 21 یا دامەزراندنا دەزگەهێ خێرخوازی یێ بارزانی، ل سەرۆك و كارمەندێن ڤی دەزگەهی پیرۆز دكەم و دەستخۆشیێ ل وان دكەم بۆ وان كار و خزمەتێن ل ناڤخۆ و دەرڤەیێ هەرێما كوردستانێ پێشكێشی لێقەومایان كری. هیڤییا بەردەوامیێ و سەركەفتنێ بۆ وان دخوازم».
