دو یاریزانێن یوڤانتوس نێزیكى ئیمزاكرنا هه‌ڤبه‌ستا مانچێسته‌ر یونایتد بووینه
ئه‌ڤرۆ نیوز:
یانا مانچێسته‌ر یونایتد بۆ ڤه‌گوهاستنێن هاڤینا بهێت نێزیكى ئیمزاكرنا هه‌ڤبه‌ستا دو یاریزانێن یانا یوڤانتوس یا ئیتالى بوویه.
مالپه‌رێ تۆتۆ سپۆرت یێ ئیتالى دیار كریه: کو یانا مانچێسته‌ر یونایتد ب فه‌رمى ده‌ست ب دانوستاندنان كریه ل گه‌ل یانا یوڤانتوس بۆ ڤه‌گوهاستنا هه‌ردو یاریزانان یێ به‌رازیلى دوگلاس كوستا و یێ توركى میریح دیمیرال و هه‌ردو یاریزانان ژى حه‌زا خوه دیاركریه بۆ كرنا یاریێ ل گەل وێ یانا ئنگلیزى.
هه‌ر دیسان وى مالپه‌رى دیاركریه: یانا یوڤانتوس دخوازیت ل ڤه‌گوهاستنێن بهێت ده‌ستا ژ هه‌ردو یاریزانێن خوه دوگلاس كوستای و دیمیرال به‌رده‌ت داكو یا مفاداربیت ب فروتنا ئه‌وان و ل جهێ ئه‌وان هه‌ڤبه‌ستێ ل گه‌ل دو یاریزانێن نوو ئیمزا بكه‌ن.
