چەندین یانێن ئورۆپی دخوازن ببەنە ناڤا رێزێن خوە
ئه‌ڤرۆ نیوز:
یانا چێلسی ده‌ست ب دانوستاندنان کریه ل گه‌ل یانا لیڤه‌رکوزن یا ئه‌لمانی بۆ ڤه‌گوهاستنا ستێرا وێ کای هافیرتز.
راپۆرتێن رۆژنامه‌ڤانی ل ئیتالیا ئاشکراکرینه: کو کارگێریا چێلسی کوژمێ ( 75 مليۆن پاوەند ) به‌رهه‌ڤکرینه بۆ ڤه‌گوهاستنا هافیرتز کو نوکه هژماره‌کا یانێن مه‌زن ل ئورۆپا هه‌ڤرکیا ب ده‌ستڤه ئینانا وی یاریزانی دکه‌ن، لێ هه‌که چێلسی ڤی کوژمێ پاره‌ی پێشکێشی وێ یانا ئه‌لمانی بکه‌ت دبیت ب رێژا هه‌ره مه‌زن یانا لیڤه‌رکوزن ل سه‌ر داخوازیا چێلسی رازی بیت، ژبه‌رکو هه‌تا نوکه چ یانێن دێ ئه‌و کوژمێ پاره‌ی ب ڤه‌گوهاستنا وی یاریزانی نه‌دایه.
هه‌ژی گوتنێ یه هه‌ر ئێک ژ یانێن مانچێسته‌ر یونایتد و لیڤه‌رپول ژی هه‌ڤرکیێ ل سه‌ر ده‌ستڤه ئینانا وی یاریزانێ ٢٠ سالی یێ ئه‌لمانی دکه‌ن، کو نوکه دهێته هژمارتن ئێک ژ ستێرێن هێلا ناڤینا خۆلا ئه‌لمانیا کو ل وه‌رزێ ئه‌ڤ ساله ٢٦ یاری دخۆلا بوندس لیگا دا کرینه و شیایه ١١ گولا تۆمار بکه‌ت و ل گه‌ل پێنج ئه‌سیستان.
