یاریزانه‌كێ ئه‌رسینال به‌رى یاریێ توشى ڤایروسێ كورونایێ بوو
ئه‌ڤرۆ نیوز:
راپورتێن رۆژنامه‌ڤانى ل ئنگلته‌را ئاشكرا کرینه یاریزانه‌كێ یانا ئه‌رسینال نێزیك بوو مه‌ترسى جاره‌كا دى بێخته سه‌ر یاریگه‌هێن ته‌پا پێ ل ئنگلته‌را كو به‌رى یاریا ئه‌رسینال ل گه‌ل مانچێسته‌ر سیتى ئه‌وا ل 17 ڤێ مه‌هێ هاتیه‌كرن راپورتێن نوژدارى ئاشكراكر بوو گومان هه‌یه ئه‌و یاریزان توشى ڤایروسێ كورونایێ بوویه و پاش ئه‌و یاریزان و هه‌ردو یاریزانێن دى یێن هه‌ڤالێ وى بۆ ماوێ حه‌فت رۆژان هێلانا دناڤا جهه‌كێ تایبه‌ت دا بۆ چاره‌سه‌ریا ئه‌وان.
ئه‌وان راپۆرتێن رۆژنامه‌ڤانى ناڤێ ئه‌وان یاریزانان نه ئاشكرا کریه ژى لێ دیاركریه به‌رى یاریا ئه‌رسینال ل گه‌ل مان سیتى ب سێ رۆژان نوشدارێن وێ یانێ گومان ژ وى یاریزانێ خوه بر كو هه‌لگرێ ڤایروسێ كورونایێ یه له‌ورا بۆ حه‌فتیه‌كێ هێلا ناڤا مال دا و نوكه ره‌وشا وى یاریزانى و هه‌ردو هه‌ڤالێن وى ژى باشه و جاره‌كا دى ڤه‌گه‌رینانه دناڤ راهێنانێن خوه دا.
هه‌ژى گوتنێ یه ئه‌و یاریێ ل 17-6-2020 هاتبوو ئه‌نجامدان و تێدا مان سیتى شیابوو سه‌ركه‌فتنێ ل سه‌ر ئه‌رسینال توماربكه‌ت ب سێ گولان بێ به‌رامبه‌ر .
