ئه‌ڤرۆ دھۆک و تەلەبە د ھەڤرکیا سەرکەفتنا ھەشتێ دا
ئەڤرۆ، ھەژار مەعروف:
چاڤەرێ دھێـتەکرن ئەڤرۆ یاریێن حەفتیا ئێکێ ژ خولا پلا نایاب یا عیراقێ بەردەوامی پێ بھێنە دان، ل یاریگەھا یانا دھۆک بریارە ئەڤرۆ یاریا ١٩ دناڤبەرا ھەردو یانیێن دھۆک و تەلەبە بھێتەکرن د مێژویا یاریێن ھەردو تیمان دا دخولا پلا نایاب یا عیراقێ دا کو بەری نوکە ١٨ یاریی دناڤبەرا ھەردو تیمان دا ھاتینەکرن و ھەردو یانا د وەکھەڤن د ئەنجامێن یاریێن خودا کو تیما دھۆک شیا حەفت جاران سەرکەفتنێ توماربکەت و ب ھەمان شێوە تەلەبە ژی بەرامبەر چار وەکھەڤیان، لێ یاریکەرێن یانا تەلەبە د رێژەیا تومارکرنا گولان دا باشتر بوون ل ١٨ یاریێن بوری دا شیاینە ٢١ جاران تورا گولا دھۆکێ ب ھەژینن، بەرامبەر دھۆک بتنێ ١٣ گول سەر تەلەبە تومارکرینە و مەزنترین ئەنجامێ یاریێ بوو سالا ٢٠٠٢ ڤەدگەریت کو تیما تەلەبە شیا بوو ب شەش گولان بێ بەرامبەر سەرکەفتنێ ل سەر تیما دھۆک توماربکەت ل یاریگەھا شەعب.
یاریا ئێکێ دناڤبەرا ھەردو تیمان دا ل ٢٥/١٢/٢٠٠٠ بوو د وی دەمی دا تیما تەلەبە شیا سەرکەفتنێ ل سەر دھۆک توماربکەت ب دو گولان بێ بەرامبەر و ل یاریێن گەرا دوێ دا ھەمان سال تیما دھۆک ب گولا ئاشتی موستەفا شیا سەرکەفتنێ ل سەر تەلەبە تومار بکەت ل یاریگەھا شەعب.
