د هێرشه‌كا داعشێ دا سێ كه‌س هاتنه كوشتن
ئەڤرۆ نیوز:
د هێرشه‌كا چه‌كدارێن داعشێ دا ل سنوورێ قه‌زا بێجیی یا سه‌ر ب پارێزگه‌ها سه‌لاحه‌دین ڤه، سێ كه‌س هاتنه كوشتن و پێنج ژى بریندار بوون.
شانه‌یا راگه‌هاندنا ئه‌منی یا ئیراقی راگه‌هاندیه، د هێرشه‌كا داعشێ دا ل باژێركێ “زاویه مسحه‌ك” یێ سه‌ر ب قه‌زایا بێجی ڤه ل سنوورێ پارێزگه‌ها سەلاحەدین، سێ كه‌س هاتنه كوشتن، ئێك ژ وان رێڤه‌به‌رێ پۆلیسانه.
هه‌روه‌سا گۆتیه، بۆمبه‌كا چاندى ب ترۆمبێله‌كا وه‌لاتیان ڤه په‌قیە و ھێزێن ئه‌منى ل ته‌وارا وان چووینه، پاشى چه‌كدارێ كه‌مینه‌ك بۆ وان دانایه و ته‌قه ل هێزێن ئه‌منی كریه، ژ ئه‌نجامێ وی ته‌قێ سێ كه‌س هاتینه كوشتن و پێنج ژى بریندار بووینه.