كۆنفرانسێ په‌روه‌ردا دهۆكێ و هنده‌ك تێبیی؟
گرێدانا كۆنفره‌نسان كاره‌كێ پیرۆزه هه‌كه ل دووڤ مه‌رج و پیڤه‌رێن راست و دروست و دیمۆكراسیێ بیت و ئارمانج پێشڤه‌برن و گه‌شه‌پێدانا كاروانێ په‌روه‌رده و و فێركرنێ ل دووڤ پره‌نسیپ و رێیێن زانستی بهێنه ئه‌نجامدان، لێ مخابن ئه‌ڤێ ل دهۆكێ هاتیه به‌ستن ل رۆژا -822015 ل هۆلا دلڤه‌كه‌را ئاماده‌یا بژاره كو مه پشكداری تێدا كر و ل ته‌وه‌رێ سه‌رپه‌رشتیاران ب سه‌رۆكاتیا (مامۆستا جه‌لال) و دو هه‌ڤالێن وی كو ژ وه‌زاره‌تا په‌ره‌وردا هه‌رێمێ هاتبوون و به‌رنامێ كاری ل گه‌ل خوه ئینابوون نه‌وه‌كی وێ به‌رنامێ داینه مه بوون و زۆر را و و بۆچوون تێدا هه‌ڤدژی هه‌ڤبوون وهه‌ر مژاره‌كا مه دانوستاندن ل سه‌ر كربا ئه‌وان به‌ره‌ڤانی ژ بۆچوون و به‌رنامێ وان دانای دكر و مخابن رێڤه‌به‌رێ سه‌رپه‌رشتیاریا دهۆكێ ژی وه‌كی وان به‌ره‌ڤانی ژ بۆچوونێن وان دكر و مه چ گۆتبا ئه‌وان هه‌ر وه‌كی خوه دگۆتن لێ دگۆتنه مه ئه‌ڤه بۆچوونا وه هاته نڤیسین و دێ ل كۆنگره‌ی ئێته گه‌نگه‌شه‌كرن و ب باوه‌ریا من ئه‌و هه‌ر دێ وێ په‌یره‌كه‌ن ئه‌وا وان د به‌رنامێ خوه دا نڤیسی كو ب دو سێ شێوان بوو و بۆ نموونه دانوستاندنان ل سه‌ر ڤان خالێن ل خارێ دیار هاتیه كرن؟
1-رۆلێ سه‌رپه‌رشتان د رێخستنا میلاكێ قوتابخانان و ڤه‌گوهاستنان دا: د به‌رنامه‌كی دا هاتبوو كو دڤێت سه‌رپه‌رشت رۆلێ خوه ببینیت ژ به‌ر كو ئه‌وێ ل مه‌یدانێ و دگه‌ریێت ل ناڤ قوتابخانان ئه‌وان گۆت ئه‌ڤه هاتیه لادان و نابیت سه‌رپه‌رشت مایێ خوه د وی كاری دا بكه‌ت و مه گۆت ب دیتنا مه دڤێت رۆلێ سه‌رپه‌رشتی هه‌بیت و ئه‌وان ره‌تكر و مه گۆتێ پا ئه‌م هاتینه چێ مادام یا وه دڤێت هه‌ر دێ ئه‌و بیت و ئه‌ڤ هه‌می كۆمبوونه و راگه‌هاندنه و مه‌زاختنا خوارنێ و یا هه‌ر مامۆستا و سه‌رپه‌رشتان كری دا كو بێنه كونفرانسی؟ ب راستی بۆ من باوه‌ریه‌ك چێبوو كو نه‌خه‌ما كه‌سێ یه دابه‌زینا ئاستێ زانستێ و رێژا سه‌ركه‌فتنێ و هه‌ما هه‌ر ئێك ژ مه مووچێ خوه دخۆت و نه‌خه‌ما مه یه ئه‌م نفشه‌كی لاواز و ئاست نزم به‌رهه‌ڤكه‌ین هه‌ر وه‌كی ئه‌مێ ل ئۆرۆپا دژین؟ و به‌هانا وان چبوو؟ گۆتی وه‌زاره‌تا دارایی قایل نابیت ل سه‌ر هه‌می رۆژان سه‌ره‌دان و گه‌له‌ك پاره دچیت و نابیت؟ لێ نابێژن چه‌ند پاره ل گه‌شتێن چاپكرنا پرتووكان ل ده‌رڤه‌ی وه‌لاتی و شاندێن تایبه‌ت و سه‌فه‌رێن جۆرا و جۆر بۆ ده‌رڤه‌ی وه‌لاتی دچن؟ یان كاره‌ساتێن پار و پێرار ل دۆر شاشیێن چاپكرنا پرتووكان دچوون و كه‌س نزانیت چی لێ هات و چاوا بوو؟ مخابن بۆچوونێن مه نه‌هاتنه وه‌رگرتن ب هه‌ند و مه گۆتێ ئه‌م دێ یا ئه‌م دبینین دروسته و باشه، دێ بێژین به‌لێ ئه‌م دزانین هه‌را ژ خوه‌یه؟ و مخابن ل زۆربه‌ی ته‌وه‌رێن دی كو شه‌ش بوون خرابتر بوو ژ ته‌وه‌رێ مه و به‌ره‌ڤانی بوو ژ به‌رنامێ وان دانای و تشتێ سه‌یر ریڤه‌به‌ره‌كێ قوتابخانێ ل ته‌وه‌رێ قوتابخانه و په‌یمانگه‌هێن ئه‌هلی گۆتبوو ئه‌م دینین قوتابخانێن ئه‌هلی نه‌بن باشتره چونگی چینایه‌تیێ په‌یدا دكه‌ن و قوتابیێن فه‌قیر نه‌شێن بچنه وان قوتابخانا و ب تنێ بۆ كورێن ده‌وله‌مه‌ند و به‌رپرس و خودان كۆمپانیایه و دێ چینه‌كا ڤه‌بری ژ دۆز و وه‌لات و نه‌ته‌وا مه په‌یدا كه‌ت و سه‌یدایێ سه‌رۆكێ ته‌وه‌ری گۆتبوو مانێ یێ فه‌قیر ئه‌و خودێ یێ فه‌قیر كری؟ ئانكو بلا فه‌قیر پتر فه‌قیر ببن و زه‌نگین پتر زه‌نگین ببن؟ به‌لێ مه باش یه‌كسانی و دادپه‌روه‌ری و چاكسازیان به‌رپاركرن و ئه‌م گه‌هشتینه ئاستێ ملله‌تێن پێشكه‌فتی؟ وه دیاره ئه‌وان ئه‌ڤه نه جارا ئێكێ یه پیلان و هزرێن خوه ب سه‌ر ده‌ڤه‌را مه دا دسه‌پینن و دبێژن ئه‌و هند دزانن و یا مه بڤێت و مه باوه‌ری پێ هه‌بیت دێ ئه‌و بیت؟ و مه ب لاواز و هزر به‌رته‌نگ دبینن مخابن ب ڤان رێك و ره‌فتاران ئه‌م نكارین نفشه‌كێ زانا و هشیار و خودان هه‌لوێست و چاڤنه‌ترس و كوردپه‌روه‌ر په‌یداكه‌ین بۆ ڤان قووناغێن نازك و مه‌ترسیدار و خودێ هاریكارێ قوتابیێ مه یێ بێ به‌ره‌ڤان بیت. . بلا بابێن قوتابییان نه‌بێژن بۆچی ئاستێ زارۆیێن چه‌ندی بێت نزمتر دبیت چنكی نه‌گونه‌ها وانه به‌لكی گونه‌ها مه خودانێن پله و پایه و كۆنگره گێرایه؟ مخابن هه‌ر وه‌كی كه‌سێ ئاگه‌ه ژ كه‌سێ نینه د ڤێ كوردستانا مه یا ده‌لال و دێرین و ئازاد دا!!.
