چاكسازیه‌كا نوو ل دهۆكێ دێ هێته ئاڤاكرن
ئه‌ڤرۆ:
د. عه‌لی ته‌ته‌ر، پارێزگارێ دهۆكێ دوهی رۆژا سێشه‌مبی 22/2/2022 پێشوازی ل شانده‌كێ وه‌زاره‌تا ناڤخوه یا حكومه‌تا هه‌رێما كوردستانێ ب سه‌رۆكاتیا د. سامی جه‌لال، شیره‌تكارێ وه‌زاره‌تێ كر و د كۆمبوونه‌كێ دا باسێ ئاڤاكرنا چاكسازیه‌كا نوو ل دهۆكێ هاته كرن.
د كۆمبوونێ دا ب به‌رهه‌ڤبوونا لایه‌نێن په‌یوه‌ندیدار باسێ ئاڤاكرنا چاكسازیه‌كا نوو ل دهۆكێ هاته كرن و پشتی دانوستاندن و هه‌لسه‌نگاندنا بابه‌تی، رێڤه‌به‌ریێن په‌یوه‌ندیدار بۆ ته‌رخانكرنا ئه‌ردی هاتنه راسپاردن.
هه‌ژی گوتنێ یه ل سه‌نته‌رێ پارێزگه‌ها دهۆكێ دو چاكسازی هه‌نه، ئێك بۆ مه‌زنان و ئێكا سنێله و ئافره‌تان، لێ ژ به‌ر به‌رته‌نگیا جهێ چاكسازیێ بڕیار ژلایێ حكومه‌تا هه‌رێما كوردستانێ ڤه هاتیه‌دان چاكسازیه‌كا نوو ل دهۆكێ بهێته ئاڤاكرن.
دیسا هه‌ر دوهی 22/2/2022 د. عه‌لی ته‌ته‌ر، پارێزگارێ دهۆكێ پێشوازی ل پرۆفیسۆر دكتۆر توماس وینزل، ڤه‌كوله‌ڕ د بیاڤێ چاره‌سه‌ریێن ده‌روونی دا كر كو ب مه‌ره‌ما هه‌لسه‌نگاندنا پرۆژێ هه‌ڤپشكێ د ناڤبه‌را وه‌لاتێ ئه‌لمانیا و زانكۆیا دهۆك و ڤه‌كرنا په‌یمانگه‌ها چاره‌سه‌ریێن تراومایێ و ده‌روونی سه‌ره‌دانا پارێزگه‌ها دهۆكێ كریه، د روونشتنه‌كێ دا باس ل كار و چالاكیێن په‌یمانگه‌ها ناڤبری ب پشته‌ڤانیا وه‌لاتێ ئه‌لمانیا و چاوانیا پێشئێخستنا كادرێ تایبه‌تمه‌ند و پلانا داهاتی و پێدڤیا بیاڤێ ناڤبری دانوستاندن ل سه‌ر هاته كرن.
