په‌روه‌ردا ئاكرێ پێشانگه‌هه‌ك بۆ 80 قوتابخانان ڤه‌كر
ئاكرێ، ره‌مه‌زان زه‌كه‌ریا:
پشكا چالاكیێن قوتابخانان یا په‌روه‌ردا ئاكرێ پێشانگه‌هه‌كا شێوه‌كاری و كارێن ده‌ستی بۆ قوتابخانێن بنه‌ره‌ت و ئاماده‌یی ل هۆلا وه‌رزشی یا یانا ئاكرێ ڤه‌كر.
سابر عه‌لی، په‌یڤدارێ په‌روه‌ردا ئاكرێ بۆ رۆژناما ئه‌ڤرۆ گوت: “په‌روه‌ردا ئاكرێ بۆ نیشادانا شیانێن قوتابیان پێشانگه‌هه‌كا شێوه‌كاری و كارێن ده‌ستی بۆ 80 قوتابخانێن سنوورێ په‌روه‌ردا ناڤبری ڤه‌كر، كو تێدا بابه‌تێن جۆراوجۆر ژلایێ قوتابیان ڤه هاتبوونه به‌رهه‌ڤكرن دگه‌ل كارێن ده‌ستی یێن قوتابیان و چه‌ندین بابه‌تێن دی”.
ناڤهاتی گوتژی: “پشتی ئاماده‌بوویان گه‌ڕیانه‌ك د ناڤ پێشانگه‌هێ دا كری، لژنا هه‌لسه‌نگاندنێ هه‌لسه‌نگاندنا كارێ قوتابیان كری، پێنج قوتابخانه یێن بنه‌رت و سێ قوتابخانێن ئاماده‌یی وه‌كو سه‌ركه‌فتی هاتنه هه‌لبژارتن، ئانكو خه‌لات ل سه‌ر هه‌شت قوتابخانێن سه‌ركه‌فتی هاتنه به‌لاڤكرن”.
په‌یڤدارێ په‌روه‌ردا ئاكرێ ئاشكرا ژی كر، مه‌به‌ست ژ ڤه‌كرنا پێشانگه‌هێ نیشادانا شیانێن قوتابیان و قوتابخانه‌یان بوو.
