سه‌رۆكێ یانا به‌رده‌ره‌ش: كاودانێن نوكه هاریكار نینن بۆ پشكدریێ د خولا كوردستانێ دا
ئه‌ڤرۆ،ره‌مه‌زان زه‌كه‌ریا:
د داخویانیه‌كێ دا سه‌رۆكێ یانا به‌رده‌ره‌ش یا وه‌رزشی دیاركر ئه‌و كاودانێن نوكه یێن دارایی د هاریكار نینن پشێن پشكداری خولا پلا ئێكا كوردستانێ یا ته‌پا پێی بكه‌ت و ئه‌گه‌ره‌كێ زوور هه‌یه خوه ڤه‌كێشن.
زێده‌تر سه‌مێر عه‌بدولقادر بۆ رۆژناما ئه‌ڤرۆ گۆت: ژبه‌ر خرابیا ره‌وشا ئابووری و هه‌بوونا كۆژمه‌كێ مه‌زن یێ قه‌را ل سه‌ر یانێ دێ ب زه‌حمه‌ت بیت پشكداریێ د خولا پلا ئێكا كوردستانێ یا ته‌پا پێی دا بكه‌ت هه‌كه‌ر نه هێنه چاره‌سه‌ركرن و دخوازین یانا به‌رده‌ره‌ش ژی وه‌كو هه‌ر یانه‌كا دی بهێته هژمارتن داهات بۆ بهێته خه‌رجكرن ژبه‌ركو یانه‌كه هه‌ر ژ سالا 1997ێ هاتیه دامه‌زراندن و موله‌ت ژ حوكه‌تا هه‌رێما كوردستانێ وه‌رگرتیه و چاڤه‌ڕێ به‌رسڤا نڤێسارا خوه ینه ئه‌وا بۆ حوكمه‌تا هه‌رێمێ هاتیه ره‌وانه‌كرن.
ژلایه‌كێ دووڤه ئه‌گه‌رێ خرابییا ره‌وشا دارایی یانێ و داهاتیێ خوه دیاركر و گۆت: هه‌رچه‌نده یانێ هنده‌ك دوكان هه‌نه، لێ 70% بۆ وه‌به‌رهێنه‌ریه و 30% بۆ یانێ دهێت كو دگه‌هیته سێ ملیۆن دیناران و دیسان دو ملیۆن ژلایێ پارێزگه‌ها دهۆكێ دهێن و ئه‌ڤ هه‌ردو كۆژمه بۆ چالاكیان گه‌له‌ك كێمه ژبه‌ركو ئه‌و داهاتی د شیان دانینه ئێك یاری بهێته بڕێڤه‌برن، وه‌زاره‌تا رۆشه‌نبیری و لاوان ل حوكمه‌تا هه‌رێمێ داهاته‌ك دایه هه‌ردو پارێزگه‌هێن هه‌ولێر و سلێمانیێ و ل پارێزگه‌ها دهۆكێ بتنَێ هه‌ردو یانێن دهۆك و زاخۆ ئه‌و دهاته وه‌رگرتینه و یانێن دی چو داهات نه وه‌رگرتیه، له‌ورا هیڤییا ئه‌وه پشته‌ڤانیا یانا به‌رده‌ره‌ش بكه‌ن كو ئێك ژ یانێن پارێزگه‌ها دهۆكێ یه.
