راهێنه‌ره‌كێ زاخۆ پشكداری د خوله‌كا نێڤده‌وله‌تی دا كر
ئه‌ڤرۆ،عه‌لی حاجی:
د داخویانیه‌كێ دا هاریكارێ راهێنه‌رێ تیما یانا زاخۆ یا باسكێت بۆلێ دیاركر پشكاریا وان د خولا نێڤده‌وله‌تی یا ب هێزكرنا شیانێن راهێنانێ ل وه‌لاتێ كوێتێ پێنگاڤه‌كا دی یا پێشكه‌فتنا ئاست و زانیاریێن وی بوون، ئه‌وا بۆ ماوێ ده‌ه رۆژان ب پشكداریا 18 راهێنه‌ران سه‌ر ئاستێ وه‌لاتێن عه‌ره‌بی هاتیه ئه‌نجامدان.
زێده‌تر جوتیار عه‌لی بۆ رۆژناما ئه‌ڤرۆ گۆت: ژ ئیراقێ ئه‌م دو راهێنه‌ر هاتبووینه ده‌ستنیشانكرن بۆ خولا نێڤده‌وله‌تی ئه‌وا ژلایێ راهێنه‌رێ سربی و وانه‌بێژێ په‌سه‌ندكری ژلایێ ئێكه‌تیا ده‌وله‌تی كو ب شێوێ تیۆر و پراكتیكی ل سه‌ر دووماهی پێشهاته و پلانێن رێكخستی یێن راهێنه‌ران د هاتنه گۆتن، ل روژا دووماهیێ تاقیكرن هاتنه ئه‌نجامدان بۆ هه‌موو پشكداران ژبۆ دانا باوه‌رناما تایبه‌ت یا راهێنه‌ران ئه‌وێن ژلایێ ئێكه‌تیا ده‌وله‌تی ڤه یا باوه‌رپێكریه
هه‌روه‌سان ناڤهاتی دیاركر سه‌رباری گڤاشتن و شێوازێ زه‌حمه‌ت یێ خولێ و گۆت: لێ ب گشتی مه گه‌له‌ك مفا ژێ وه‌رگرت و چه‌ندین نوویاتی و رێك وپلان مه زانین و گه‌شبینم دێ ب سه‌ركه‌فتیانه باوه‌رنامێ ب ده‌ستخوه‌ڤه ئینم و دێ ئێخمه د خزمه‌تا وه‌رزشا باسكێت بۆلا پارێزگه‌هێ و كوردستانێ دا و جهێ شانازیێ یه وه‌كو راهێنه‌رێ ئێكانه كورد پشكداری ڤێ خولێ بوویمه.
