هایده مه‌جید: زێده‌تری 50 یاریزانان من فێری كاراتێ كرینه
ئه‌ڤرۆ،هه‌ولێر، سولین سلێمان
د دیداره‌كا كورت دا هایده مه‌جید كچا باژێرێ گه‌رمیان و راهێنه‌را یاریا كاراتێ بۆ رۆژناما ئه‌ڤرۆ دیاركر شیایه زێده‌تری 50 یاریزانان ب شێوێ ئه‌كادیمی فێری یاریێ بكه‌ت د دو هۆلێن جودا دا.
زێده‌تر ناڤهاتی گۆت: ژبه‌ركو ئه‌ز ئێكانه كچا راهێنه‌رم د یاریا كاراتێ ل باژێرێ گه‌رمیان بۆ ماوێ دو سالانه د دو هۆلێن جودا یێن وه‌رزشی دا زێده‌تری 50 یاریزانان ب شێوێ زانستی و ئه‌كادیمی فێری یاریا كاراتێ بكه‌م و گه‌هشتینه ئاستێن باش و د نوكه دا ئاماده دكه‌ین ژبۆ پشكداریێ د قاره‌مانیێن داهاتی یێن ناڤخۆ و ده‌رڤه‌یی هه‌رێمێ دا و ببنه شه‌نگسێ ڤێ یاریێ ل باژێرێ مه ودبین مدێ رێژه‌كا باشت هه‌بیت ژبه‌ركو وه‌رزشڤانێن كچ ل ده‌ڤه‌را مه گه‌له‌ك حه‌ز ژ ڤێ یاریێ دكه‌ن و لایه‌نه‌كێ دی ژی دێ مفایێن هێز و ساخله‌مه‌یێ وه‌رگرن، له‌ورا هیڤیا مه ئه‌وه ژ جهێن په‌یوه‌ندیدار پشته‌ڤانیا ڤان یاریزانان بكه‌ت تایبه‌ت لاوان و تازه‌پێگه‌هشتیان.
هایده مه‌جید ئه‌وچه‌نده ژی دیاركر ئێك ژ ئاسته‌نگێن مه نه‌بوونا هۆلێن تایبه‌ت بۆ كچان ژبه‌ركو هه‌رده‌مێ ئه‌م راهێنانان دكه‌ین هه‌مبه‌ری وێ یاریزانێن كور ژی گه‌له‌ك ده‌ما دهێنه راهێنانێ و گۆت: رژدین شه‌نگسته‌كێ ئه‌كادیمی یێ ڤێ یاریێ به‌رهه‌ڤ بكه‌ین.
