زاخۆ دێ گوهۆڕینێن مهزن كهت
ئهڤرۆ، عهلی حاجی:
د داخویانیهكێ دا ئهندامێ كارگێریا یانا زاخۆ یا وهرزشی دیاركر پێشوهخت دێ دهست ب دانانا پلانێن خوه بۆ وهرزێ بهێت یێ خولا پلا نایابا ئیراقێ یا تهپا پێی كهن و دێ گوهۆڕینێن مهزن ههبن ژبۆ ب هێزكرنا رێزێن تیمێ.
زێدهتر ئهلند ئهحمهد گۆت: بڕیاره د حهفتیا بهێت دا كارگێریا یانا زاخۆ كۆمبوونهكا ئاسایی ئهنجامبدهت و پێشوهخت دهست ب دانانا پلانهكا دووم درێژ بۆ تیما خوه یا تهپا پێی ب دانیت ژبۆ باشترین بهرههڤی بۆ وهرزێ نوو یێ خولا پلا نایابا ئیراقێ و گوهۆڕینێن مهزن ههبن تایبهت د زێدهكرنا یاریزانێن گهنج و ئینانا و دوورخستنا كۆمهكا یاریزانان و ههردو یاریێن مایی ژ خولا ئیراقێ وهكو تاقیكرنه بۆ ئهوان یاریزانێن گهنج كو زێدهتر مفایی ژێ وهربگرن بۆ وهرزێ بهێت و كارگێریا یانێ ههر تشتهكێ پێدڤی بۆ تیما خوه بهردهست كرینه تایبهت ژ روویێ مادی و مهعنهوی ڤه.
ژلایهكێ دووڤه ناڤهاتی گۆت:ئهم گرنگیێ ب ئهنجامێن یاریێن مایی یێن خولا ئیراقێ نادهین بهلكو هزر د یاریا پێش دووماهیا جاما ئیراقێ دكهین ژبهركو دهلیڤهكا زێرین ل بهراهییا مهیه بۆ دهستكهفتهكێ زێرین و ههموو هیڤی و ئارمانجێن مه بشێن ناسناڤێ قارهمانیێ ب دهستخوهڤه بینن لهورا ئهوان یاریا دێ بزاڤێ كهین یاریزانێ خوه یێ سهرهكی گهلهك ماندی نهكهین بتنێ مفایی ژێ وهربگریت و راهێنهر لدووڤ نهخشه و پلانێن خوه د زانیت دێ چهوا گههیته كۆپیتكا ئاستی، یاریا جاما ئیراقێ ژ دهرڤهیی یاریگهها مه ل گهل كارهبا كو دێ ل یاریگهها نهجهف هێته كرن ئهڤچهنده ژی گڤاشتنهكه دڤێت باش سهرهدهریی ل گهل بكهین تا بگههینه ئارمانجا خوه.
