مهحفوز ئیبراهیم بوو ئهندامێ لژنا بهریكانا ل ئێكهتێن عهرهبی و رۆژئاڤا ئاسیا دا
ئهڤرۆ،
ب فهرمی كورێ باژێرێ دهۆكێ و سهرۆكێ ئێكهتیا كیك بۆكسینگا پارێزگههێ مهحفوز ئیبراهیم وهكو ئهندامێ لژنا بهریكانا ل ههردو ئێكهتیێن عهرهبی و رۆژئاڤا ئاسیا هاته دهستنیشانكرن.
د داخویانیهكێ دا ناڤهاتی بۆ رۆژناما ئهڤرۆ دیاركر بۆ جارا ئێكێ د دیرۆكا یاریا كیك بۆكسینگا پارێزگهها دهۆكێ و كوردستانێ دا كوردهك ب شێت باوهریا دو ئێكهتیێن وهرزشی د ئێك دهم دا وهربگریت وهكو ئهندام دناڤ لژنێن وان یێن بهریكانا بهێته دهستنیشانكرن، ئهڤچهنده ژی جهێ شانازیێ یه و بهرپرسیارهتیهكا مهزنه كو بۆ داهاتیێ بهێت ئهز ههموو بزاڤا بۆ خزمهتا وهرزشا پارێزگههێ و وهلاتێ خوه كوردستانێ بكهم و یا د شیان دابیت مفایی ب گههیمه ههموو یانه، یاریزان و راهێنهر و دادڤانان.
ههروهسان مهحفوز ئیبراهیم گۆت: دهستنیشانكرنا من هات پشتی ئهوان مێڤانداری و چالاكیێن ئێكهتیا مه ل پارێزگهها دهۆكێ ب ههڤكاریا نوونهرتیا دهۆك یا لژنا ئۆلمپی یا كوردستانێ و ئێكهتیا ئیراقێ ب سهركهفتیانه تایبهت مێڤانداریا قارهمانیا عهرهبی ل سهر ئاستێ ههلبژارتیان وهكو ئهندام دلژنا بهریكانا ل ئێكهتیا عهرهبی و دیسان ئێكهتیا رۆژئاڤا ئاسیا هاتمه دهستنیشانكرن، سۆپاسیا ههر لایهنهكێ هاریكار و پشتهڤان ل گهل مه و ئهم رژدین بهردهوام بۆ پێشكهڤتنا وهرزشا یاریا كیك بۆكسێنگێ ل پارێزگههێ و كوردستانێ.
ژلایهكێ دووڤه ناڤهاتی دیاركر ههبوونا ئهندامهكێ كورد دناڤ لژنا بهریكانا د دو ئێكهتیێن جودا دا دێ بیته پێنگاڤا ئێكێ بۆ كارێن باشتر و زێدهتر نێزیك بوون د ناڤ كارێن ئێكهتیا عهرهبی و رۆژئاڤا ئاسیا و یا گرنتر ببیته ئهگهر پێشكهفتنا وهرزشا كیك بۆكسینگێ و پووتهدان بۆ بهێته كرن، ئهڤچهنده ژی وێ دیاردكهت كو ل كوردستانێ ژی پێشڤهچوونهكا باش ب خوه ڤهگرتیه و شیانێن مه یێن یاریزانان، راهێنهر و دادڤان و كارگێری چو كێمتر نینن ژ یێن دهرڤه.
