یانا جهویه ب دو كارگێریا دهێته ب ڕێڤهبرن.!
ئهڤرۆ،
ئێك ژ سهیرترین دهنگۆباسێن دناڤ وهرزشا ئیراقێ دا هاتیه بهلاڤكرن و بوویه جهێ سهرنجراكێشا جادا وهرزشی ئهوژی یانا جهویه یا بهغدایی ب دو كارگێریێن جودا دهێته ب ڕێڤهبرن، ئهڤچهنده ژی هاته پشتی بهری ههیڤهكێ دهستهكا گشتی یا یانێ كۆمبوونا خوه یا نه ئاسایی گرێدایی تێدا كارگێریهكا بهروهخت دهستنیشانكری و ناكۆكی پهیدابووین و بووینه دو گرۆپێن ژێك جودا كو گرۆپهك پشتهڤانیا كارگێریا بهرێ دكهت و گرۆپێ دی كارگێریا بهروهخت.
ئاریشا مهزنتر كارگێریا بهرێ كو پێكهاتیه ژ ههیسهم كازم، موهفهق زوهێر، رهشا تالب و سهمیر كازم كو بارهگایێ وان ل دهڤهرا رهسافهیه كاروچالاكیێن خوه دكهت و ب فهرمی گرێبهست ل گهل یاریزانێ پیشهكارێ یێ یانا تهلهبه ستیڤن بافۆرد ئیمزاكریه و نڤێسینگهها فهرمی یا راگههاندنێ ههیه، ههمبهری وێ كارگێریا بهروهخت پێهاتیه ژ شههاب جاهد وهكو سهرۆك، ههرئێك ژ عهلی جهبار، عهلی زغهیر وهلید زهیدی كو بارهگایێ وێ ل دهڤهرا كهرخه و ئهوان ژی بڕێیا نڤێسینگهها خوه یا راگههاندنێ گرێبهست ل گهل ئهیمهن یونس و محهمهد قاسم ئیمزاكرینه.
ئهڤچهنده بوویه جهێ سهرسۆرمانجێ نهك جادا وهرزشی و نه جهماوهرێ یانا جهویه بزانن كیش كارگێری یا فهرمی و یاسایی یه كو یانهكا وهكو جهویه كهڤنترین یانه ل سهر ئاستێ ئیراقێ خودان مهزنترین ناسناڤێن ئیراقێ و ئێكهتیا ئاسیا.
