دورهید دۆسكی: وهرزشا مهلهڤانیا ل پارێزگههێ یا مرییه
ئهڤرۆ، ههرهین محهمهد:
د داخویانیهكێ دا راهێنهرێ وهرزشا مهلهڤانیا دورهید دۆسكی بۆ ئهڤرۆ گۆت: وهرزشا مهلهڤانیا ئارازویه و نه وهكو ههموو یارێن دی نه، لێ گهلهك جاران كهسهك هاتیه و خوه فێری مهلهڤانیان بكهت ههستیێ وی گهلهك یێ رهقه و ئهڤێ چهندێ ژی كارتێكرنا خوه ههیه و زیكا ب سهر ئاڤێ ناكهڤیت و نه شێت دهست و پێت خوه ب لڤینت كو ئاڤ ب كێشته خوه و ههستیێ وی یێ گرانه.
ههروهسان گۆت: لهورا ههر یاریزانهكێ دهێت ئهز ههموو پێنگاڤا نیشادهم ژ ههناسه ، كارزانی و رێڤهچوونێ و ل سهر شێوازێ پشتێ و ڤان خالان ههموویان وهردگریت لێ دڤێت ئهو بخوه ژی گهلهك راهێنانان بكهت، ئهڤ كهسه بۆ فێركرنێ د كێمن، ل دووڤ وان پێزانینێن ئهز نیشادهم و راهێنانێن بهردهوام دئایندی دا چێدبیت و دبیته مهلهڤانهكێ باش و ئهو كهسێ دهێت خوه فێری مهلهڤانیا بكهت وهرزشڤان بیت دبیت دوسێ رۆژان دا فێری مهلهڤانیا بیت، ئانكو ههڤالینی ههبیت دناڤبهرا ماسولك و دهمارا دا و ههتا نوكه نێزیكی پێنچ سهد كهسان ژ زارۆك و مهزنا و ل ههموو ژیان ل بهردهستێ من فێری مهلهڤانیان بووینه.
زێدهتر ژی گۆت: من گهلهك حهز ههیه قارهمانیهكێ ڤهكهم ل سهر ئاستێ دهۆكێ بۆ وان كهسێن مهلهڤانیا دكهن چو مهلهڤانیا ئازاد و سهرپشتێ و یاسنگی و یا پهلاتینكی، لێ مهسپونسهر نینن و جهێن شولهژێ ژی پشتهڤانیێ ل مه ناكهت و دراستی دا وهرزشا مهلهڤانیا یا مرییه ل دهۆكێ و ئهڤه چهند ساله خولێن مهلهڤانیا ڤهدكهم، گهلهك كهس ل دهف من فێربووینه و ههتا نوكه كهسێ پرسیارا من نهكریه بۆ ڤی كارێ ئهز دكهم یان قارهمانیهكێ ڤهكهم.
