یاریزانێن دهۆكێ بێ ئهنجام ژ بهغدا ڤهگهڕیان
ئهڤرۆ،
ههردو یاریزانێن پارێزگهها دهۆكێ پیرس عهلی ل سهر ئاستێ پێشكهفتیان و هێژا بشار بۆ ئاستێ تازهپێگههشتیان بێ ئهنجام ژ تاقیكرن و ڤاڤارتنێن ههلبژارتیێ ئیراقێ بۆ ژیێن جودا ڤهگهڕیان، پشتی ههڤڕكیێن وان ب پشكداریا 72 یاریزانێن كوڕ و كچ ل باژێرێ بهغدا هاتینه كرن.
یاریزان پیرس عهلی ل سهر ئاستێ نههـ یاریزانا ل رێزا پێنجێ هات و هێژا بشار ل سهر جهمێ 22 یاریزانان یێ نههێ هات، ئهوا ههر ئاستهكی چار یاریزان بۆ ناڤ رێزێن ههلبژارتیێ ئیراقێ هاتنه داخوازكرن و ههردو یاریزانێن پارێزگههێ ئهڤ پلێته ژ دهست دان.
لدور ڤان ئهنجامان د داخویانیهكێی دا پیرس عهلی بۆ رۆژناما ئهڤرۆ گۆت: ئێك ژ ب هێزترین ههڤڕكیێن سهر ئاستێ ئیراقێ هاتیه ئهنجامدان كو یاریزانێن بهری نوكه یێن ههلبژارتیێ ئیراقێ و چهند یاریزانێن خودان شیان پشكداری كربوون، بتنێ خالهك دناڤبهرا من و یاریزانێ چارێ بوو لێ وهكو یاریزانێ یهدهك هاتیمه دهستنیشانكرن بۆ ههلبژارتیێ ئیراقێ، بڕیاربوو یاریزان نیبار ئهحمهد ژی پشكداربا لێ ژبهر چهنده ئهگهران بهرههڤی تاقیكرنان نهبوو.
ژلایهكێ دووڤه ناڤهاتی گۆت: سهرباری بۆ وهرزێ ئهڤ ساله پلێتا پشكداریێ ل گهل ههلبژارتیێ ئیراقێ بۆ چالاكیێن دهرڤه ژ دهست دایه، لێ بۆ سالا بهێت رژدین و گهشبینن دێ ڤهگهڕیێن و دێ زێدهتر خوه ماندی كهین بۆ دهستڤه ئینانا ئارمانجا خوه.
