لیڤاندۆڤێسكی چوو بهرشهلۆنا
ئهڤرۆ،
ل دووماهیێ یانا بهرشهلۆنا یا ئسپانی گههشته ئارمانجا خوه و شیا یانا بایرن میۆنخ یا ئهلمانی رازیبكهت ب ڤهگۆهاستنا ستێرا وێ یا تهپا پێی و یاریزانێ پۆلهندی رۆبێر لیڤاندۆڤێسكی پشتی چهندین بزاڤێن هاتینه كرن.
لدووڤ راپۆرتا رۆژناما ماركا یا ئسپانی كو یانا كاتهلۆنی و یا باڤاری گههشتنه رێكهفتنێ ژبۆ ڤهگۆهاستنا یاریزانێ پۆلهندی یێ 33ێ سالی پشتی چهندین بزاڤێن هاتینه كرن و ب كۆژمێ 50 ملیۆن یۆرۆیا وهكو كۆژمێ ڤهگۆهاستنێ بۆ هاتیه دانان، ههمبهری وێ رۆژناما بێلد یا ئهلمانی ژی دۆپاتی ل سهر ڤێ رێكهفتنێ هاته دهنگ كو یانا بهرشهلۆنا دێ 45 ملیۆن یۆرۆیا و پێنچ ملیۆن یۆرۆ وهكو پاداشت و دانا خهلاتكرن بۆ یانا بایرن میونخ داناینه كو گرێبهستا وی دێ بۆ ماوێ چار سالا بیت ههتا 2026ێ، یانا بهرشهلۆنا ههر تشتهكێ پێدڤی ژلایێ یاسایی ڤه بۆ تمامكرنا گرێبهستا لیڤاندوڤێسكی ب دووماهی ئیناینه و د ڤێ حهفتیێ دا دێ ب فهرمی هێته راگههاندن.
