كیك بۆكسینگا دهۆكێ بهر ب قۆناغهكا باشتر دچیت
ئهڤرۆ،
تیما كیك بۆكسینگا یانا دهۆك ب ئاست و ئهنجام ب هێز ڤهگهڕێنه د ناڤ ههڤڕكیێن قارهمانیا ئیراقێ بۆ پێشكهفتیان پشتی شیاین چهند میدالیێن رهنگین و رێزا سێیێ بهێن ئهوا جارا ئێكێ یه 230 یاریزان ژ 23ێ یانێن ئیراقێ بۆ دو سیستهمێن یاریێ پشكداری تێدا كری كو دهاته هژمارتن بهێزترین قارهمانیێن ئهڤ ساله ل پارێزگهها دهۆكێ هاتیه كرن.
تیما دهۆكێ شیا ل سهر ئهنجامێ گشتی رێزا سێیێ بۆ سیستهمێ K1 بهێت و چار یاریزانێن وێ بۆ پلێتا ناڤ رێزین ههلبژارتیێ ئیراقێ دهربازبنه قارهمانیا سۆپهرا ئیراقێ و بڤی رهنگی بوون، بۆ كێشا 60كگم یونس ئهحمهد رێزا ئێكێ هات، مستهفا فهرسهت بۆ كێشا 91كگم رێزا ئێك، زانا سالح كهكو بۆ كێشا 67كگم رێزا دویێ، هۆگر ئهمین بۆ كێشا 86كگم رێزا دویێ، بۆ سیستهمێ فۆل كۆنتاك شیراز عهبدولرهحمان بۆ كێشا 75كگم رێزا سێیێ دهستخوهڤه ئینا.
سالح كهكو راهێنهرێ یانا دهۆك و ههلبژارتیێ ئیراقێ بۆ رۆژناما ئهڤرۆ گۆت: ههموو یاریزانێن مه د قارهمانیێ دا ئاستهكێ مهزن نیشان دا و پێنگاڤهكا مهزن هاڤێتنه بۆ ناڤ رێزێن ههلبژارتیێ ئیراقێ دهمێ پشكداری قارهمانیا سۆپهر دبن، هندهك یاریزان بۆ جارا ئێكێ یه پشكدار دبن و ههڤڕكێن بهێز بوون ههمبهری یێن ئیراقێ ژوانا شیراز عهبدولرهحمان، یا گرنگ یاریزانێن مه مفایهكێ مهزن ژێ وهرگرت و دیسان بۆ جارا ئێكێ یه ل كوردستانێ دو سیستهمێن قارهمانیێ بشێوازێ نێڤدهولهتی ل بهێته رێكخستن، گهشبینم كیك بۆكسینگا دهۆكێ بهر ب قۆناغهكا باشتر دچیت.
