سلێمان رهمهزان بوو راهێنهرێ دهۆكێ و هاریكارێن وی ئێكلا نهبووینه
ئهڤرۆ،
د داخویانیهكێ دا سهرۆكێ یانا دهۆك یا وهرزشی بۆ رۆژناما ئهڤرۆ دیاركر ئهو گههشتینه رێكهفتنێ ل گهل راهێنهرێ بهرنیاس پارێزگهها دهۆكێ و كوردستانێ سلێمان رهمهزان بۆ بڕێڤهبرنا تیما وان یا تهپا پێی ئهوا دێ پشكداریێ كهت بۆ وهرزێ نوو یێ خولا پلا ئێكا ئیراقێ و كادرێ وی هێشتا نه هاتیه ئێكلاكرن
زێدهتر د. عهبدوللا جهلال گۆت: ب فهرمی ل گهل راهێنهرێ خودان شیان سلێمان رهمهزان گههشتینه رێكهفتنێ بۆ ئهركێ راهێنهراتیا تیما مه بۆ وهرزێ نوو یێ خولا ئیراقێ و ههتا نوكه دانۆستاندن ل گهل ههر ئێك ژ ئهحمهد جدهیع، هومام سالح و حسێن جهبار راهێنهرێ گۆلپارێزان بهردهوامن و نه هاتینه ئێكلاكرن ژبهركو دبیت گوهۆڕین ب كادری دا ههبیت لهورا كادرێ وی هێش فهرمی نینه.
ژلایهكێ دووڤه ناڤهاتی دیاركر ئارمانجا كارگێریێ باشترین بهرههڤیه و پشكداریهكا ب هێزه و دهستنیشانكرنا سلێمان رهمهزانی ب ههروهیی نه هاتیه بهلكو ئهوژی خودان سهربۆر و شارهزاهیهكا باش ههیه و چهندین باوهرنامێن دهولهتی یێن ئاسیا دهستڤه ئیناینه كو گهشبینم دێ لدووڤ ئارمانجا مه ئهنجامێن دلخوهشكهر دهستڤه ئینت و گۆت: پشت بهستن ب شیانێن كورێن باژێری كێمتر نینه ژ یێن بیانی و یا د شیان دا بیت دێ بۆ پشتهڤانیا كادرێ خوه یێ راهێنانێ بهرههڤكهین و كارگێری دێ هاریكاربیت بۆ سهركهفتنا كاروانێ تیمێ.
دهێته زانین سلێمان رهمهزان خودانێ سێ باوهرنامێن ئاسیایی یه ئهووژی A.B.C و شیایه چار ناسناڤێن خولا كوردستانێ ل گهل زێرهڤانی ب دهستڤه بینت و كاسا سۆپهر، ههروهسان دو قارهمانیێن جاما كوردستانێ ل گهل زاخۆ و زێرهڤانی، دیسان دو قارهمانیێن سهر ئاستێ ههرێمان كۆنیفا ل فرهنسا و ههولێری بینت، ل گهل یانا پیرس شیایه ژ پلا دو ههتا نایابا ئیراقێ سهربێخیت، ناسناڤێ قارهمانیا كۆمارا ئیراقێ سهر ئاستێ ههلبژارتیێن پارێزگههێن ئیراقێ دهستڤه ئینایه ل 2002 ل گهل ههلبژارتیێ پارێزگهها دهۆكێ، ههروهسان سلێمان رهمهزان پشكداری خولێن بهێزكرن و شیانی ل ئیران، ئۆكراین، سربیا، دو جارا پۆلهندا و دو جاران ههولێرێ و بهغداد بوویه، ههروهسان ل گهل یانا بایرن میۆنخ یا ئهلمانی كهفتیه لبن معایشا راهێنانێ دا.
