مهزنترین قارهمانیا بارزانیێ نهمر ل زاخۆ هاته ئهنجامدان
زاخۆ،عهلی حاجی :
د داخویانیهكێ دا بهرپرسێ ناڤهندا بلند ل زاخۆ یا ئێكهتیا لاوێن دیموكراتا كوردستانێ بۆ رۆژناما ئهڤرۆ دیاركر بۆ جارا 16ێ یه قارهمانیا بارزانیێ نهمر بۆ تیمێن مللی ل سنورێ ئیدارهیا سهربهخۆیا زاخۆ دهێته ڤهكرن و دێ خهلاتێن باش ژی بۆ تیمێن سهركهفتی ههبن.
زێدهتر حكمهت محهمهد گۆت: ل دووڤ بهرنامێ رێكخستی یا ناڤهندا بلند ل زاخۆ سالانه رادبین ب ڤهكرنا قارهمانیا بارزانیێ نهمر بۆ تیمێن مللی، بۆ ئهڤ ساله ژی ب پشكداریا 150 تیمێن مللی ژ تیمێن سنورێ ئیدارهیا سهربهخۆیا زاخۆ و باتێلێ و تیمێن ئاوارهیان د رێ و رهسمهكێ تایبهت دا دهست ب ڤهكرنا قارهمانیێ هاته كرن و ئهڤ ساله ژی كارگێریا یانا زاخۆ ل گهل مه دا هاریكاربووینه كو یاریگهها دهلال یا وهرزشی ئێخستیه د خزمهتا قارهمانیێ دا، بهری قارهمانی دهستپێبكهت پێدڤیێن وهرزشی ب سهر ههموو تیمان هاتنه بهلاڤكرن كو دێ ماوێ سێ ههیڤان بهردهوام بیت و ئێكهم قارهمانیا تیمێن مللی یه ل كوردستانێ و ئێراقێ ب ڤی رێژهیی پشكداربن، ئهم ب ئهركێ خوه ژی دزانین خزمهتا ههموو گهنجێن دهڤهرا خوه بكهین .
ناڤبری گۆت ژی : بۆ سهركهفتیێن ئێكێ و دویێَ و سێیێ دێ خهلاتێن تایبهت ههبن و ههكه ل سهر ئاستێ كوردستانێ قارهمانیا بارزانیێ نهمر بهێته ئهنجام دان دێ بناڤێ زاخۆ پشكدار وێ قارهمانیێ بن و سالانه ژی تیما ئێكێ یاریهكا ههڤالینی بۆ دهاته رێكخستن ژ دهرڤهیی باژێرێ زاخۆ .
