زیاد ئهحمهد داخوازا لێبۆرینێ ژ جهماوهر و یانا زاخۆ دكهت
ئهڤرۆ،
د دیدارهكێ دا یارێزانێ پارێزگههێ و یانا زهورا یا بهرێ زیاد ئهحمهد داخوازا لێبۆرینێ ژ جهماوهر و یانا زاخۆ یا وهرزشی دكهت ژبهر ئهوێ بڕیارا ب لهز دایی كو ژ نشكهكێ ڤه تیما تهپا پێی یا یانێ هێلایی و دیاركر سێ گرێبهست ل بهردهست ههنه.
زێدهتر ناڤهاتی بۆ رۆژناما ئهڤرۆ گۆت: هیچ جارهكێ ڤیانا من بۆ یانا زاخۆ كێم نهبوویه و رێزهكا مهزن دهمه جهماوهرێ یانێ ههموو ههڤال و برادهر و خهلكێ مهنه، سهرباری ل وهرزێ بوری من گرێبهستا خوه ل گهل یانا زاخۆ ئیمزاكربوو ب كهیفخووشی و دلێ خوه لێ مخابن ئاستهنگهك كهفته د ڕێ دا و نهچاركرم گرێبهستا خوه ههلوهشینم و بهر ب یانا زهورا بچم، لهورا من دڤێت بڕێیا رۆژنامێ ئهز داخوازا لێبورینێ ژ جهماوهر و یانا زاخۆ دكهم من بڕیارهكا ب لهز دایی لێ دێ ههر مینیت یانا زاخۆ و جهماوهرێ دلسۆز د دلێ من دا و من بیرهوهریێن خۆش ل گهل یانێ و جهماوهری ههنه و شانازیێ پێ دبهم.
لدور دووماهی پێشهاتێن وی زیادی گۆت: د نوكه دا سێ گرێبهست ل بهردهستێ منن ژوانا یانهكا ههرێما كوردستانێ یه و ههتا نوكه گهنگهشه و دانۆستاندن دهێنه كرن و یا باشتر دێ ههلبژێرم و گۆت: ل وهرزێ بوری دو جار ئهز تووشی هنگاڤتنێ بووم كو بشێوهكێ نه چاڤهڕێ كری ژ یاریگههان دوورخستم لێ بۆ وهرزێ نوو ماوهكێ درێژه ئهز راهێنانا دكهم و رژدم ب هێز ئاستێ خوه ڤهگهڕینم.
