ئێكهتیا تهپا پێی یا ههرێمێ ژڤانێ چالاكیێن وهرزێ نوو دیاركرن
ئهڤرۆ،
د داخویانیهكێ دا ئهندامێ ئێكهتیا تهپا پێی یا ههرێما كوردستانێ دیاركر ل دووماهی كۆمبوونا وان چهند بڕیار و راسپارد و پلان بۆ وهرزێ نوو یێ چالاكیێن خوه راگههاندن ژوانا دهستنیشانكرنا ژڤانێ ههردو خولێن پلا نایاب و ئێك.
زێدهتر ئازاد محهمهد بۆ رۆژناما ئهڤرۆ گۆت: ژبۆ دانانا پلان و بهرنامێ وهرزێ نوو یێ چالاكیێن مه ل شهمبیا بوری كۆمبوونهكا بهرفرهه هاته ئهنجامدان و گهنگهشه لسهر چهند تهوهرێن جودا هاتبوونه كرن ژوانا ژڤانێن خولان كو بڕیار هاتیه دان وهرزێ نوو یێ خولا پلا نایاب ل 13ێ چڕیا ئێكێ یا بهێت دهستپێ بكهت ب پشكداریا 16 یانه ب شێوێ خول دو قۆناغ پشتی ههردو یانێن ئاكرێ و چارقۆرنه هاتینه پلا نایاب و یانێن ههولێر و ههلۆ پاشڤهچوونه پلا ئێك، لێ بهری وێ ل دهستپێكا ههمان ههیڤ دێ یاریا سۆپهرا كوردستانێ دناڤبهرا ههردو یانێن سیروانی نوو و برایهتی هێته كرن، دیسان بڕیار هاتیه دان ل 14 چڕیا دویێ وهرزێ نوو بهێته كرن ب شێوێ دو قۆناغ، قۆناغا ئێكێ دێ ڤاڤارتنێن یانێن پارێزگههان بیت و قۆناغا دویێ دێ ههڤڕكیێ بۆ دو پلێتێن دهربازبوونێ بۆ پلا نایاب بیت.
ژلایهكێ دووڤه ناڤهاتی ئهوچهنده ژی دیاركر د كۆمبوونێ دا نڤێسارا رێنما بۆ وهرزێ نوو هاتیه دروستكرن و پلانا كار و بهرنامه هاتینه رێكخستن ژوانا دانانا لژنێن جودا یێن دادڤان، سهرپهرشتێن یاریا و بهریكانا، ههروهسان بڕیاره بهری دهستپێكرنا خولێ ب دو حهفتیان تاقیكرنێن تیۆری و پراكتیكی بۆ ههموو دادڤانێن خولێ بهێته ئهنجامدان ژبۆ باشترین شێوه بهرههڤی چالاكیێن تهپا پێی یا كوردستانێ بن.
