كۆمپانیا گۆگل فرۆكێن خوه یێن بێ فرۆكه‌ڤان نمایش دكه‌ت
ئه‌ڤرۆ، زانست:
دبیت ئێك نه‌بیت ژ به‌رنیاسترین كارێن كۆمپانیا ئه‌لفابێت (كۆمپانیا دایك یا كۆمپانیا گۆگل) به‌لێ ئێكه ژ وان كارێن گه‌له‌ك گرنگیێ پێ دده‌ت. واینگس خووشكا كۆمپانیا گۆگله، چه‌ندین ساله كار ل سه‌ر پێشخستنا فرۆكێن بێ فرۆكه‌ڤان دكه‌ت.
پشتی چه‌ندین هه‌یڤان ژ بێ ده‌نگیێ، نها كۆمپانیێ بارهه‌لگریێن خوه یێن ڤه‌گوهاستنا ئه‌سمانی یێن نوو راگه‌هاندن.
د ریكلاما وان دا كو ب نڤیسینگه‌ها فرۆكان ب ناڤ كریه، واینگ ئاشكه‌را كریه و هزرا وان یا سه‌ره‌كی دروستكرنا فرۆكێن بێ فرۆكه‌ڤانه یێن گۆنجایی بۆ هه‌موو جۆرێن ڤه‌گوهاستنێ ل ئه‌سمانی، ئه‌ڤجا چو بتله‌كێ شیرێ بیت یان ژی ئاڤ ته‌زینكه‌ك، ژ به‌ر هندێ جۆره‌كێ جودا یێ بارهه‌لگرێن ئه‌سمانی ئاشكه‌را كریه، قه‌بارێن جودا نیشان داینه كو شیانێن هه‌لگرتنا قه‌بارێن جودا ژی هه‌نه.
ده‌ستپێشخه‌ریا واینگس بۆ دیزاینا فرۆكێن بێ فرۆكه‌ڤان یا تایبه‌ته ب ڤه‌گوهاستنا كه‌رسان ژ هه‌موو جۆر و قه‌باران. ئاشكه‌را ژی كریه كو د فرۆكێن وان دا، دڤێت قه‌بارێی كه‌رستان 25% یا قه‌بارێ فرۆكێ بیت.
نها فرۆكێن واینگس یێن بێ فرۆكه‌ڤان گه‌هشتینه فنله‌ندا و ئوسترالیا و ئه‌مریكا و دهێته چاڤه‌رێكرن كو ل گه‌له‌ك ده‌ڤه‌رێن دژی زێده بكه‌ن.