ههژار سابر: هاریكارێ راهێنهرێ ئاكرێ بهرپرسیارهتیهكا مهزنه
ئهڤرۆ، رهمهزان زهكهریا
د داخویانیهكێدا هاریكارێ راهێنهرێ یانا ئاكرێ دیاركر ئهو كهسێ ئێكێ یه وهكو خهلكێ باژێرێ ئاكرێ دهێته ههلبژاردن بۆ پۆستێ هاریكارێ راهێنهرێ تیما تهپاپێی بۆ وهرزێ نوو یێ خولا پلا نایابا كوردستانێ و پێنگاڤا خوه ب تاقیكرنا ئێكێ و بهرپرسیارهتی د زانیت.
زێدهتر ههژار سابر بۆ رۆژناما ئهڤرۆ گوت: ئارمانجا مه بۆ ئهڤساله پێكهاتهیهكێ باش بۆ یانا ئاكرێ دخولا نایابا كوردستانێ دا دروست بكهین و ئهنجامێن باش ب دهستڤه بینن و نههێلین تیما مه وهكو بهری دو سالان ڤهگهڕێته پلا ئێك، لهورا ژبلی بزاڤێن مانا خوه د خولێ دا دێ ههڤڕكیێ كهین.
هاریكارێ راهێنهرێ ئاكرێ ئهوچهنده ژی گۆت: ئهگهرێ سهرهكی یێ دووماهی ئینان كاروانێ خوه وهكو یاریزان ژبهر ساخلهمیا من بوو كو هاریكار نهبوو بهردهوام بم،ل سالێن 2010 و 2011 من كاركریه وهك راهێنهرێ تازه پێگههشتیان ل ناوهندا وهرزش و لاوێن ئاكرێ و ل خولا پله دو بوویمه هاریكارێ راهێنهرێ یانا ئاكرێ .
ههژار سابری گوتژی: ئارمانجا من ئهوه رۆژهكێ ببمه راهێنهرێ سهرهكی یێ یانا ئاكرێ یان ههر یانهیهكا دی بیت، لێ ههر كارهكێ مرۆڤ بكهت ئهگهر حهزو ڤیان بۆ وی كاری نهبن نهشێت بگههیت ئارمانجا خۆ .
