حهكیم فهرهج: رێز ل كارێ مه ناهێته گرتن
ئهڤرۆ، ههرهین محهمهد:
د دیدارهكا كورت دا یاریزانێ یانا ئاكرێ یا تهپا پێی دیاركر ههر وهرزشڤانهكێ ئاستهكێ باش پێشكێشكر بیت دێ گهلهك یانه داخوازێ ژێ كهن و ل گهل یانا ئاكرێ شیاینه تیما خوه ژ خولا پله ئێك بۆ پلا نایاب سهربێخین
زێدهتر حهكیم فهرج بۆ رۆژناما ئهڤرۆ دیاركر وهكو یاریزانهكێ یانێ رولێ من یێ بهرچاڤ بوو و یانه ههبووینه داخواز ژمن كرینه یاریێ بۆ بكهم لێ ههتا نوكه من چو بڕیار نهداینه و دێ چاڤهڕێ پێشهاتابم و گۆت: مخابن جووداهی د ناڤبهرا یانان دا ههیه و زێدهتر پشتهڤانی ل یانێن مهزن دهێنه كرن و هندهك یانه ههنه ئاستهك و ئهنجامێن وان گهلهك دباشن، لێ پشتهڤانیا لاوازه و ژبهر ڤێ چهندێ داخوازا من ئهوه پشتهڤانی ل ههموو یانان بهێته كرن دا كو بهرێ گهنجان ب كهڤیته وهرزشێ، ل سالا بوری ب سۆپاسی ڤه پشتهڤانیهكا باش ژلایێ یانێ ڤه ههبوو و ههر تشتهكێ پێدڤی دابینكرن دا كو ئهم ب گههینه پلا نایاب، لێ ژلایێ تاكه كهسی ڤه چو پشتهڤانیا وهسان بۆ مه نه هاتیهكرن و رێز ل كارێ مه ناهێته گرتن، ئهو زهحمهتا ئهم دبهین بهرامبهری وێ چهندێ رێز ل كارێ مه ناهێته گرتن .
