خالد موشیر: كۆمبوونا بهێت دێ گهلهك بابهت ئێكلابن
ئهڤرۆ،
د داخویانیهكێ دا ئهندامێ كارگێریا یانا دهۆك یا وهرزشی دیاركر كۆمبوونا بهێت ل گهل ئێكهتیا تهپا پێی یا ئیراقێ دێ گهلهك بابهت ێكلابن و ئاریشا یاریزانێ خوه یێ سۆری عهلا شبلی چارهسهركر و دهرگههێ ئینانا یاریزانێن پیشهكار هاتیه ڤهكرن.
زێدهتر خالد موشیر كو سهرپهرشتێ تیما تهپاپێی یه بۆ رۆژناما ئهڤرۆ گۆت: ئهو سكالا یاریزان عهلا شبلی ل ئێكهتیا تهپا پێی یا ئاسیا سهر یانا دهۆكێ و داخوازا كۆژمێ مایی یێ گرێبهستا خوه كری ئهوێ ل سالا بوری ئیمزاكربوو ئێكهتیا ئاسیا رێ ل یانێ گرتبوو كو نابیت چو یاریزانێن پیشهكار بۆ تیما خوه یا تهپا پێی بینت ههتا ئاریشه بهێته چارهسهركرن، خووش بهختانه كارگێریا یانێ ب ههموو شیانێن خوه كاركر پێخهمهت چارهسهكرنا ئاریشا یاریزانێ سوری و شیاین ئهو قهری مایی نێزیكی 12000 دولار بوون ژ گرێبهستا وی یا مایی بشێوێ قانۆنی بۆ بهێته فرێكرن و ئێكهتیا ئاسیا ژی ئهو دوورپێچ ڕاكریه و د شیان دایه یانا دهۆك بۆ ماوێ بهێت دا گرێبهستا ههر یاریزانهكێ پیشهكار بۆ تیما خوه یا تهپا پێی ئیمزابكهت.
ژلایهكێ دووڤه ناڤهاتی ئهوچهنده ژی دیاركر بڕیاره ل دووماهیا ڤێ حهفتیێ كۆمبوونهكا چارهنڤیس و ئێكلاكر بۆ ههرسێ یانێن دهۆك، ناسریه و ئهمانهت بهغدا ئهوێن پشكدار د قۆناغا ڤهبڕ بۆ خولا پلا نایابا ئیراقێ دا ل گهل ئێكهتیا ئیراقێ بهێته ئهنجامدان و گۆت: ههرچهنده بڕیاربوو ل حهفتیا بوری هاتبا ئهنجامدان لێ هاتیه پاشخستن بۆ دووماهیا ڤێ حهفتیێ ژبهر روودانێن نوكه یێن باژێرێ بهغدا، ئێك ژ بابهتێن گرنگ بۆ كۆمبوونا بهێت دیاركرنا پێكهاتیێ تیمان ب یاریزانێن وهرزێ بوری بن یان یێن نوو بیت ههروهسان چهند بابهتهكێن دی یێن گرنگ كو د كۆمبوونا بهێت دا دێ ههموو تشت دیاربن و پێنگاڤێن باش ههبن بۆ بهرههڤیێن تیما دهۆكێ.
ژلایهكێ دووڤه لدۆر راهێنهرێ چهستهیی یێ بهرازیلی مارسێلۆ گۆت: چاڤهڕێ بوو بهێته دهۆكێ ژبۆ ئیمزاكرنا گرێبهستا خوه لێ ژبهر تۆشبوونا وی ب ڤایرۆسێ كۆرۆنایێ ناڤهاتی داخوازا درێژكرنا بهێنڤهدانێ دایه ههتا بۆ حهفتیهكا دی پشتی ب سلامهتی بیت دێ ڤهگهڕیێت.
بۆ زانین ل دهمێ بوری یانا دهۆك ب فهرمی گرێبهست ل گهل ههر ئێك ژ وهلید سهلمان، دلۆڤان سالح، سیابهند عهگید، ئهحمهد بهشار، ههریم تهحسین، ژیار گۆڤهند ئیمزاكرینه، گرێبهستا یاریزان هنگاو محهمهد و دیار عهلی بتنێ بۆ ههردو یاریێن ڤهبڕ بیت، دیسان هاتیه راگههاندن كو ههر ئێك ژ سهعهد غانم، سامر ماجد، ئیڤان سلێمان، موسا شوكر، رهمهزان فهیسهل، عومهر جهبار و حهیدهر عهلی دێ گرێبهستێ ل گهل یانا دهۆكێ ئیمزاكهن و دڤێ حهفتیێ دا گرێبهست ل گهل چهند یاریزانێن پیشهكار و دهرڤهیی ههرێمێ هێنه ئیمزاكرن.
