هالاندی زهنگا ترسێ بۆ رۆنالدۆیی لێدا
ئهڤرۆ،
ستێرا نهرویجی و یاریزانێ یانا مانچستهر ستی یا ئنگلێزی ئیرلینگ هالاند دهستپێكهكا ب هێز ل گهل یانا خوه نیشان دا و زهنگا ترسێ بۆ نێزكترین ههڤڕكێ خوه یێ پۆرتۆگالی و یانا مانچستهر یۆنایتد كریستیانۆ رۆنالدۆ لێدا، پشتی شیایی تیما خوه بهر ب سهركهفتنا ئێكێ د پرێمهر لیگ ببهت ب دو گۆلێن پاقژ لسهر یانا وێستهام یۆنایتد و دهێته هژمارتن یاریزانێ دویێ ل گهل تیما خوه دشێت د یاریا ڤهكرنا خولێ دا دو گۆلان تۆماربكهت و تیما خوه بهره ب سهركهفتنێ ببهت پشتی یێ ئهرجهنتینی سێرجیۆ ئهگۆێرۆ ل سالا 2011ێ.
د راپۆرتهكێ دا رۆژناما دهیلی مێل یا بریتانی دیاركر د دهمهكی دا كریستیانۆ رۆنالدۆ ل گهل تیما خوه مانچستهر یۆنایتد یاریزانێ یهدهك بوو كو دنیڤا دویێ دا پشكداری كر و تیما وی تووشی خوسارهتیێ بوو، ههمبهری وێ هالاند زهنگا ئێكێ یا ترسێ بۆ ستێرا یوناتید لێدا كو ئهو یێ هاتیه خولا ئنگلیز بۆ ناسناڤێن كهسایهتی و یێن خولێ، ئهڤچهنده بوویه گۆتنێن جهماوهرێ وهرزشی كو ئیرلینگ هالاند یێ هاتی ببیته نمره ئێك د خولێ دا و رۆنالدویی پاشڤه ببهت.
