بۆ خولا كوردستانێ زاخۆ راهێنهرهك دهستنیشانكر و حهفتیهك بۆ تاقیكرنێن یاریزانان دانا
ئهڤرۆ،
ب فهرمی كارگێریا یانا زاخۆ یا وهرزشی حسێن عهبدوللا وهكو راهێنهرێ تیما تهپا پێی یا یانا زاخۆ دهست نیشانكرن خوه بهرههڤكرن بۆ وهرزێ نوو یێ خولا پلا نایابا كوردستانێ و حهفتیهك بۆ تاقیكرنێن یاریزانان دانایه ئهوا زێدهتری 80 یاریزان پشكدار بووینه بهری بكهڤنه د بهرنامێ راهێنانێن تیمێ دا.
لدور ڤێ یهكێ هشیار شههباز سكرتێرێ یانا زاخۆ دیاركر بۆ وهرزێ نوو یێ خولا پلا نایابا كوردستانێ ب فهرمی گههشتینه رێكهفتنێ ل گهل راهێنهر حسێن عهبدوللا ژبۆ سهرپهرشتیا تیما مه و بڕیاره د ماوێ حهفتیهكێ دا تاقیكرن بهێنه كرن بۆ یاریزانێن نوو خهلكێ زاخۆ ئهوێن حهز ههین پشكداریێ ل گهل تیما مه بكهت، دهرگهه یێ ڤهكریه بۆ ههر یاریزانهكێ خودان شیان بیت و باوهری ب ئاست و شیانێن خوه ههبیت پشكداریێ د تاقیكرنێ دا بكهت و ئهڤه دهلیڤهیه بۆ ههر یاریزانهكێ پارێزگههێ شیان ههبن بهێته تاقیكرنێ.و یا دشیان دابیت كارگێریا یانا زاخۆ ههر تشتهكێ پێدڤی بۆ تیما تهپا پێی بهرههڤكهن پێخهمهت سهركهفتنا وێ د كاروانێ خولا پلا نایابا كوردستانێ دا و ڤهگهڕاندنا زلهێزیا ناڤێ زاخۆ ژ كار و ئارمانجێن مهیه.
ژلایێ خوهڤه حسێن عهبدوللا سۆپاسیا كارگێریا یانا زاخۆ كر ئهوێ باوهری دایی و گۆت: پشتی من ئهركێ راهێنهراتیێ وهرگرتی ههر زوو مه دهست ب پێنگاڤا ئێكێ كر، پشتی ب دووماهی هاتنا تاقیكرنا و ژێگرتنا 25 یاریزانان ئێكسهر دێ دهست ب راهێنانێن خوه ل دووڤ بهرنامه و پلانێن بۆ هاتینه دانان كهین و دێ پشتبهستنهكا باش ب یاریزانێن كورد و باژێرێ خوه كهین باشترین بهرههڤی بۆ خولا كوردستانێ.
