چار پرۆژه‌یێن خزمه‌تگوزاری ل دهۆكێ دێ هێنه بجهئینان
ئه‌ڤرۆ:
وه‌زاره‌تا باژێرڤانی و گه‌شتوگوزارێ دێ چار پرۆژه‌یێن خزمه‌تگوزاری ب گوژمێ نێزیكی 126 ملیۆن دیناران ل سنوورێ پارێزگه‌ها دهۆكێ بجهئینیت.
وه‌زاره‌تا باژێرڤانی و گه‌شتوگوزارێ د راگه‌هاندنه‌كێ دا دیار كر، وه‌زاره‌تا باژێرڤانی و گه‌شتوگوزارێ ل سه‌ر رێژه‌یا 15% یا داهاتێ باژێرڤانیێ، رازیبوون ل سه‌ر مه‌زاختنا 125 ملیۆن و 923 هزار دیناران كریه ب مه‌ره‌ما بجهئینانا چار پرۆژه‌یێن خزمه‌تگوزاری ل سه‌نته‌رێ باژێرێ دهۆكێ.
ئاشكرا ژی كریه كو ئه‌و گوژمه ل سه‌ر داهاتێ سه‌رۆكایه‌تیا باژێرڤانیا دهۆكێ دێ هێته مه‌زاختن د پلانا سالا 2022ێ دا ب مه‌ره‌ما بجهئینانا چار پرۆژه‌یێن خزمه‌تگوزاری یێن نووژه‌نكرن و قێركرنا جاده‌یان، كو ژ نووژه‌نكرنا چه‌ندین جاده‌یان وه‌كو قووناغا ئێكێ ل سنوورێ باژێرڤانیا رۆژهه‌لات. ڤه‌كرن و قێركرنا جاده‌كا 15 متری. نووژه‌نكرن و كۆنكریتكرنا چه‌ندین جاده‌یێن نێزیكی باخچێ چیمه‌ن و نووژه‌نكرنا قووناغا دویێ یا چه‌ندین جاده‌یێن سنوورێ باژێرڤانیا رۆژهه‌لات.