كه‌نگی عه‌مباركرنا ده‌مكی ناهێلی؟
دا كو ژ هنده‌ك ژ به‌رچاڤترین ئاریشێن مۆبایلان رزگار بین، شاره‌زایێن وارێ ته‌كنۆلۆژیایێ شیره‌تا وێ چه‌ندێ ل مه دكه‌ن كو كۆگه‌ها ده‌مكی یا ئه‌پلیكه‌یشنا نه‌هێلین. هنده‌ك كه‌س ڤی كاری ب ده‌ستی ئه‌نجام دده‌ن، هنده‌ك ژی هنده‌ك ئه‌پلیكه‌یشنا ب كار دئینن بۆ ب له‌زخستنا كریارێ. دبیت بۆ ڤێ چه‌ندێ پرسیار بكه‌ی كا گۆنجایترین ده‌م بۆ ئه‌نجامدانا ڤێ كریارێ كه‌نگی یه.
دیلێتكرنا كۆگه‌ها یه‌ده‌ك رێیه‌كا ئه‌كتیڤه بۆ نه‌هێلانا ئاریشێن راوه‌ستیان و پڕبوونا میموری، هه‌كه ئه‌ڤه دبیته ئه‌گه‌رێ ئاریشێ بۆچی د بنیات دا، ئه‌ڤه هه‌یه یان بۆچی ب ره‌نگه‌كێ ئێكجاری راناكه‌ین، به‌لێ ئه‌ڤه بۆچوونه‌كا خه‌له‌ته چونكو تو مفا و بكارهاتنێن وێ نزانی.
ده‌می ئه‌پلیكه‌یشنا دانلۆد دكه‌ین جهه‌كێ تایبه‌ت ب خوه ڤه دروست دكه‌ت بۆ عه‌مباركرنا داتایێن تایبه‌ت ب خوه ڤه. د ناڤ ڤان فایلان دا Cache دبینین ئه‌وا زێده‌تر وه‌كو وێنه‌كی و یا به‌روه‌خته چونكو هه‌رده‌م پێدڤی نابینی، فه‌یسبۆك ژی ڤێ چه‌ندێ دكه‌ت دا ده‌ما د ناڤ ئه‌نترنێتێ دا نه‌بی هه‌ر بشێی بكار بینی.
فایلێن ده‌مكی ده‌ما دهێنه راكرن ئاریشه نینه، به‌لێ داتا ده‌ما دهێنه دیلێتكرن وه‌كو وی ده‌می لێ دهێت یێ ژنوو وێ ئه‌پێ دانلۆد دكه‌ی، دڤێت ئه‌كاونت و رێكخستنێ نوو بكه‌یه‌ڤه.
نها ژی دێ چینه بابه‌تێ گرنگ، كه‌نگی یا پێدڤیه وێ عه‌مبارا یه‌ده‌ك دیلێت كه‌ین؟ شیره‌تا وێ چه‌ندێ ل ته ناكه‌ین رۆژانه وی كاری ئه‌نجام بده‌یی. ب كورتی چو جاران ڤێ كریارێ ئه‌نجام نه‌ده‌یی هه‌تا پێدڤی نه‌بیێ، چونكو راكرنا به‌رده‌وام دێ بیته ئه‌گه‌ر ڤه‌كرنا ئه‌پان دێ ده‌مه‌كێ گه‌له‌ك زێده‌تر به‌ت. دیسا دێ پتر داتایێن ئه‌نترنێتێ ژی به‌ت. هه‌كه چو ئاریشه د مۆبایلا ته دا نه‌بن یان جهێ وێ یێ تژی نه‌بیت ڤی كاری ئه‌نجام نه‌ده.