بارگه‌كرنا مۆبایلێ ب رێیا وایرلێس یان یا كێڤلی باشتره؟
نها گه‌له‌ك ده‌مژمێر ل بازارێ هه‌نه دشیان دایه ل سه‌ر بارگه‌كرنا وایرلێس كار بكه‌ن، ئانكو بێ كێڤلی بكار بینی. د سه‌ر هندێ را كو دبیت ئه‌ڤه گه‌له‌ك كاران ب ساناهی بكه‌ت، ل گه‌ل بورینا ده‌می پرسیاره‌ك د مێشكێ مرۆڤی دا په‌یدا دبیت، ئه‌رێ تو دبێژی بارگه‌كرنا وایرلێس كارتێكرنێ ل ژیێ پاتریا مۆبایلێ بكه‌ت؟
ل ده‌سپێكێ پێدڤیه ئه‌ڤ پێزانینه ل ده‌ف ته هه‌بیت كو پاتری ل گه‌ل بارگه‌كرنێ لاواز دبیت ب تایبه‌ت ب بورینا ده‌می، ئه‌ڤجا چ بارگه‌كرنا وایرلێس بیت یان یا كێڤلی بیت. سه‌ره‌رایی وێ چه‌ندێ كو هنده‌ك كێڤل یێن هه‌ین ژ یێن دی ساخله‌مترن.
پسیار ل ڤێره دهێته گوهۆرین و دشیان دایه بێژین ئه‌رێ بارگه‌كرنا وایرلێس پتر ژ كێڤلی ژ ژیێ پاتریا مۆبایلێ دبه‌ت؟
تشته‌ك یێ ل گه‌ل بارگه‌كرنا پاتریێن مۆبایلێ ب رێیا وایرلێس ئه‌و ژی ئه‌وه كو ژ هه‌موو لایان ڤه بارگێ دده‌ت و مۆبایل ژ هه‌موو جهان ڤه بارگێ وه‌رناگریت و لایێن دی مۆبایلێ گه‌رم دكه‌ن، گه‌رماتی ب ره‌نگه‌كێ گشتی بۆ پاتریێن مۆبایلان گه‌له‌ك یا خرابه.
ل گه‌ل ڤێ چه‌ندێ ژی چاره‌سه‌ری یێن هه‌ین، دشیان دایه مۆبایل و ئامیرێ بارگه‌كرنا ئه‌لكترۆنی ل جهه‌كێ وه‌سان بهێته دانان گه‌له‌ك گه‌رم نه‌بیت یان ژی ل جهه‌كێ وه‌سان بیت فێنككه‌ره‌ك ل ده‌ف بیت یان ژی هه‌تا پانكه‌كا ئه‌لكترۆنی یا بچووك ل گه‌ل بدانن ئه‌ڤێن زێده‌تر بۆ كارێ جوانكاریان و ناڤ ترۆمبێلێن هاتینه دروستكرن كو ب ڤی ره‌نگی مۆبایل گه‌رم نابیت.