220 ملیار دۆلار بۆ مۆندیالا قه‌ته‌ر هاتینه مه‌زاختین
ئه‌ڤرۆ،
ل دووڤ راپۆرتێن رۆژنامه‌ڤانی كوژمێ رێكخستنا قاره‌مانیا جیهانی مۆندیالا قه‌ته‌ر 2022 ب 220 ملیار دۆلاران هاتینه مه‌زاختن كو دهێته هژمارتن مه‌زنترین مه‌زاختی د مۆندیالێن جیهانی دا هاتیه تۆماركرن پشتی كۆ وه‌لاتێ قه‌ته‌ر ژێرخانا وه‌رزشی هه‌موو دانایی ل گه‌ل تۆرێن رێك و ڤه‌گۆهاستنێ و دورستكرنا هه‌شت یاریگه‌هێن مۆدرێن ب سالۆخه‌تێن نێڤده‌وله‌تی و سیسته‌مێ سار.
ده‌زگه‌هێ دیلیۆت یێ تایبه‌تمه‌ند ب ئاماران دیاركر مۆندیالا قه‌ته‌ر مه‌زنترین كۆژمه‌یێ پاره‌یی ل سه‌ر ئاستێ هه‌موو مۆندیالێن جیهانی مه‌زاختیه ب كۆژمێ 220 ملیۆن دۆلاران، كۆژمێ 6.5 ملیار دۆلار و 20 ملیار بۆ هنده‌ك ئۆتێلان و 140 ملیۆن دۆلار بۆ ژێرخانه‌یا وه‌رزشی و رێك و ڤه‌گۆهاستنێ و یێن مایی بۆ كارێن رێكخستنێ و پێدڤیێن هه‌لبژارتیان و رێكخستنێ، كێمترین مه‌زاختی بۆ مۆندیالێ هاتینه پارڤه‌كرن ل مۆندیالا فره‌نسا 1998ێ ب دو ملیار و 300 ملیۆن دۆلاران هاتبوو خه‌ملاندن، دووڤدا مۆندیالا باشۆرێ ئه‌فریقیا2010ێ بوو ب سێ ملیار و 600 ملیۆن دۆلاران هاتبوو مه‌زاختن.
بڕیاره مۆندیالا قه‌ته‌ر 2022 ل 20ێ ڤێ هه‌یڤێ ب پشكداریا 32 هه‌لبژارتیێن جیهانێ پشكداریێ بكه‌ن و یاریا ئێكێ دێ د ناڤبه‌را خودانێن ئه‌ردی هه‌لبژارتیێ قه‌ته‌ر و ئیكۆادۆر دا بیت.
