وێنه‌ى: هه‌يفا دهێته كوردستانێ چ؟
دھۆک، شاکر ئەتروشی:
بێژەر و میدیاکارا ناڤدارا عیراقی (ھەیفا ئەلحسێنی) د دیدارەکێ دا بۆ ئەڤرۆ کو ب رێیا فەیسبووکی ھاتیە کرن دیارکر دەمێ ئەو قوتابیا قوناغا ناڤنجیێ گەلەک حەزژ کارێ راگەھاندنێ دکر و گۆت: ژبەرکو وی دەمی خەتێ من ژی گەلەکێ جوان بوو، بەردەوام ھەڤالێن من یێن قوتابی ژمن دخواستن ئەز بەلاڤوکێن دیواری بۆ وانا چێکەم و ئێدی کار گەھشتە وی رادەی من ئاھەنگێن قوتابخانێ ژی ب رێڤەدبرن، ل وی دەمی رێڤەبەر و ماموستایێن من ل گەل ھەڤالێن من ئەز ھاندام کو دوارێ راگەھاندنێ دا کاربکەم و رێڤەبەرا قوتابخانا مە گۆتە من تۆ گەلەکا جوانی و دەنگێ تەژی یێ خوشە ھەرە ل دەزگەھەکێ راگەھاندنێ کارکە، ھەر چاوابیت پشتی ٢٠٠٣ دەلیڤەک بوومە ھەلکەفت و مەکۆڤارەک دەرخست و ب سوپاسیڤە ستافێ کۆڤارێ ئەز کرمە سەرنڤیسکار و دشێم بێژم ئەز ئێکەم کچ بووم پشتی ٢٠٠٣ بوویمە سەرنڤیسکارا کۆڤارەکێ ل عیراقێ.
ل دۆر تێکھەلیێن خوە ل گەل رۆژنامەڤان و نڤیسکارێن کورد ژی گۆت: “دەمێ ئەز ل بەغدا من گەلەک نڤیسکارو رۆژنامەڤانێن کورد دنیاسین و نھۆ ژی مە پەیوەندیێن ھەڤالێن ھەنە، لێ موخابن ئەز د زمانێ کوردی ناگەھم ژبەر ھندێ ئەز نوزانم کا د چو ئاستدایە، لێ من ئاگەە ژ دەنگوباسێن کوردستانێ ھەیە، ئەو ژی ب ریێا کەنال و سایتێن عەرەبی”.
ناڤھاتی کو نھۆ ل وەلاتێ ئەمریکا یە و پەیامنێرا کەنالێ (الرشید) یێ عیراقی یە ھێشتا گۆت: “گەلەک جاران وەکو میدیاکار و چالاکڤانا وارێ ژنان من سەرەدانا ھەرێما کوردستانێ کریە و ئەز گەلەک رۆژنامەڤان و سیاسەتمەدارێن کورد دنیاسم و من دیدار ل گەل کرینە و ب ھیڤی مە ل دەمەکێ نێزیک جارەکا دی بھێمە کوردستانێ، چونکو ب راستی کوردستان ب ھەموو باژێرێن خوەڤە گەلەکا خوشە و دیمەنێن وێ دبالکێسن، لەورا ئەز ژدل داخازا پێشڤەچوون و سەرکەفتنێ بوو دخوازم”.
ھەروەسا گۆت: دەمێ دەلیڤە بۆ من دھێتە پێش ئەزا بەرھەڤم سەرەدانا دھۆکێ بکەم، ھەتا کو من داخاز ژی نەکەن، ئەز ھەر دێ ھێم چونکو دھۆک باژێرەکێ جوانە و خەلکێ وێژی یێ پێ گۆتیە بۆ رێزگرتنا مێھڤانان.
وێنه ژ په‌يچێ تايبه‌تێ هه‌يفا حوسه‌ينى هاتينه وه‌رگرتن: