مباپی دێ چیته ریال مه‌درید؟
ئه‌ڤرۆ:
رۆژنامه‌یێن ئۆرۆپا پێشبینا چوونا ستێرێ فره‌نسی و یانه‌یا پاریس سانجێرمان كێلیان مباپی بوو یانه‌یا ریال مه‌درید دكه‌ن ب پشتبه‌ستن ل سه‌ر په‌یوه‌ندیا تله‌فۆنی یا وی ل گه‌ل سه‌رۆكێ فره‌نسا ئیمانوێل ماكرۆنی.
رۆژناما دێڤێنسا سێنترال یا ئسپانی دیار كر مباپی په‌یوه‌ندی ب سه‌رۆكێ فره‌نسا كربوو و دیاركر ئه‌و دێ هه‌تا 2024ێ ل گه‌ل پاریس مینت بوو خاترا وی ژبه‌ر هه‌بوونا خولا یاریێن ئۆلمپیادا پاریس 2024ێ و داخواز ژێ كر رێكێ لێ نه‌گریت بوو ریال مه‌درید، ژلایه‌كێ دووڤه رۆژناما لێكێپ یا فره‌نسی دیاركر مباپی سه‌رۆكێ فره‌نسا ئاگه‌هداركریه ئه‌و دێ هه‌تا هاڤینا ئه‌ڤ ساله گرێبه‌ستا خوه هه‌لوه‌شینت وه‌كو مافه‌ك ل دووڤ به‌نده‌كێ یاسایی و دێ گرێبه‌ستا ریال مه‌درید ئیمزاكه‌ت لێ بۆ ئۆلمپیادا پاریس به‌رهه‌ڤبیت و دیاركر مباپی چاڤه‌ڕێ بوو یانه‌یا وی گوهۆڕینان بكه‌ت لێ چو پێنگاڤ نه هاڤێتن و مه‌ره‌ما وی دوورخستنا نیمار دا سێلڤا، ئینانا راهێنه‌ر زێنه‌دین زێدان و گرێبه‌ست ل گه‌ل هاری كین بوو، رۆژنامێ ئه‌ڤچه‌نده ژی خویاكر چوونا مباپی بۆ ریالێ نێزك بوویه بتنێ ده‌م مایه بۆ ڤه‌گۆهاستنێ.
