مێسی ڤه‌گه‌ڕیانا خوه بوو به‌رشه‌لۆنا ئێكلاكر
ئه‌ڤرۆ،
راپۆرتێن رۆژنامه‌ڤانی ل وه‌لاتێ ئسپانیا بابه‌تێ ڤه‌گه‌ڕیانا ستێرێ ئه‌رجه‌نتینی و یانه‌یا پارێس سانجێرمانا فره‌نسی لیۆنێل مێسی بۆ یانه‌یا به‌رشه‌لۆنا كریه گه‌رمه نووچه.
رۆژناما سپۆرت یا كاته‌لۆنی د لاپه‌رێ خوه یێ ئێكێ دا دیاركر مێسی ڤه‌گه‌ڕیانا خوه بۆ یانه‌یا به‌رشه‌لۆنا ئێكلاكر و ده‌ست ب دانۆستاندنان كریه ژبۆ نووكرنا گرێبه‌ستا خوه ل گه‌ل یانه‌یا پاریس سانجێرمان و ڤه‌گه‌ڕیانا وی بۆ به‌رشه‌لۆنا ب ئێك جار هاته راوه‌ستاندن و چاره‌نڤیسێ خوه ل فره‌نسا دۆپاتكریه.
هه‌مان رۆژنامێ دیاركر نووكرنا گرێبه‌ستێ دبیت بۆ دو وه‌رزان بیت ل گه‌ل زێده‌كرنا پاداشتان و هێلانا مووچه‌یێ وی وه‌كو خوه، هه‌روه‌سان ئه‌گه‌رێ سه‌ره‌كی یێ نه ڤه‌گه‌ڕیانێ ئه‌وه سه‌رۆكێ یانێ خۆان لاپۆرتا چو پێنگاڤێن دروست نه هاڤێژت بوون.
