بنگه‌هێ وه‌رزش و لاوان بوونه قاره‌مانێن پارێزگه‌هێ
ئه‌ڤرۆ،
تیما باسكێت بۆلا بنگه‌هێ وه‌رزش و لاوان ل دهۆكێ بوو قاره‌مانا پارێزگه‌هێ پشتی د یاریا دووماهیێ دا ب سه‌ركه‌فتی ل سه‌ر یانه‌یا دهۆكێ ب ئه‌نجامێ 52-51 خالان د یاریا واندا ئه‌وا ل ئه‌ینیا بۆری ب پشكداریا شه‌ش بنگه‌ه، یانه‌یێن ل سه‌ر ئاستێ تازه‌پێگه‌هشتیان ل هۆلا گرتیا یانه‌یا دهۆك هاتیه كرن ئه‌وا ژلایێ ئێكه‌تیا پارێزگه‌هێ ب هه‌ڤكاری ل گه‌ل نوونه‌راتیا دهۆك یا لژنا ئۆلمپیا كوردستانێ هاتیه رێكخستن.
سیزار سه‌لیم ئه‌ندامێ ئێكه‌تیا باسكێت بۆلا پارێزگه‌هێ بۆ رۆژناما ئه‌ڤرۆ دیار كر ب پشكداریا هه‌ر ئێك ژ یانه‌یا دهۆك، هه‌لبژارتیێ په‌روه‌رده‌یا دهۆك، ئه‌كادیمیا دهۆك و بنگه‌هێ وه‌رزش و لاوێن دهۆكێ قاره‌مانیا ئێكێ بۆ سالا نوو مه رێكخستیه و دماوێ بهێت دا دێ گه‌له‌ك چالاكی هێنه ئه‌نجامدان ژوانا قاره‌مانی ل سه‌ر ئاستێ لاوان و خولێن جودا یێن دادڤانان و راهێنه‌ران و چه‌ند خو پێنگاڤه‌كێن دی ژی هه‌بن پێخه‌مه‌ت پێشخستنا یاریا باسكێت بۆلێ ل پارێزگه‌ها دهۆكێ.
هه‌روه‌سان دیاركر ئه‌و رژدن ب شێوه‌كێ رێكخستی ب پشته‌ڤانیا نوونه‌راتیا دهۆك یا لژنا ئۆلمپی ئاستێ باسكێت بۆلا پارێزگه‌هێ به‌ر ب باشتر ببه‌ن.