حجی رێكانی بوو قاره‌مانێ پرۆ كارد یا له‌شجوانیێ
ئه‌ڤرۆ، نه‌وزاد هلۆری
یاریزانێ له‌شجوانیێ و یێ پارێزگه‌ها دهۆكێ حه‌جی رێكانی ناسناڤێ قاره‌مانیا PRO CARDیا نێڤده‌وله‌تی بۆ كێشا خوه ب ده‌ستخوه‌ڤه ئینا پشتی شیایی ل رێزا ئێكێ بهێت، د هه‌ڤڕكیێن واندا ئه‌وا ل حه‌فتیا بۆری باژێرێ سلێمانیێ هاتیه رێكخستن.
د داخویانیه‌كێ دا ناڤهاتی بۆ رۆژناما ئه‌ڤرۆ گۆت: سۆپاس بۆ خودێ پشتی زه‌حمه‌ته‌كا مه‌زن و بزاڤێن به‌رده‌وام شیاین پشكداری نووترین قاره‌مانیا له‌شجوانیێ یا نێڤده‌وله‌تی دا بكه‌ین ئه‌وا هژماره‌كا مه‌زن ژ یاریزانێن كوردستانێ، ئیراقێ و جیهانێ پشكداربووین و شیام ل سه‌ر كێشا خوه و هه‌موو كێشێن پشكدار رێزا ئێكێ بهێم و باوه‌رنامه‌یا قاره‌مانیاPRO CARD یا نێڤده‌وله‌تی ب ده‌ستڤه بینم كو ب فه‌رمی وه‌كو هه‌ر یاریزانه‌كێ باوه‌رپێكری و پیشه‌كار بۆ یاریا له‌شجوانیێ هاتیمه دیاركرن.
ل دووماهیێ ناڤهاتی كه‌یفخوه‌شیا خوه دیاركر و گۆت: ب هیڤی مه بشێم بۆ داهاتی و قاره‌مانیێن بهێت زێده‌تر خزمه‌تا كوردستانێ و خه‌لكێ خوه بكه‌م و ئه‌ڤه ژی ئێك ژ خه‌ونێن منن.