عه‌لی عومه‌ر: سێ یانه‌یان په‌یوه‌ندی ب من كریه
ئه‌ڤرۆ، هه‌رهین محه‌مه‌د:
د دیداره‌كێ دا یاریزان عه‌لی عومه‌ر بۆ ئه‌ڤرۆ دیار كر پشتی ئه‌وی ده‌ست ژ یانه‌یا گاره به‌ردایی یانه هه‌بووینه په‌یوه‌ندی پێ كرینه و كو بچیته د ناڤ رێزێن وان دا و یاریێ بۆ بكه‌م.
زێده‌تر ناڤهاتی گۆت: ئه‌و یانه‌یێن په‌یوه‌ندی ب من كرین ئه‌وژی یانه‌یێن هه‌لۆ، ئاكرێ و سنۆر بووینه، لێ ژبه‌ركو ئه‌ز قوتابی مه ل كولیژا په‌روه‌ردا جه‌سته‌یی و زانستێ وه‌رزشی نه‌شێم ل گه‌ل چو یانه‌یان به‌رده‌وام بم، چونكو هه‌ریانه‌كا ل گه‌ل به‌رده‌وام بم دڤێت راهێنانان ل گه‌ل بكه‌م و نوكه ل پارێزگه‌ها دهۆكێ بتنێ مه یانه‌یا دهۆك و سێمێل و ته‌ناهی ماینه و ده‌مێ یانه‌یا گاره خوه ڤه كێشای وی ده‌می دا هه‌ر سێ یانه د ناڤ خۆلێ دا بوون و تیمێن وان دروست بوون و هه‌كه كێماسیه‌ك هه‌بیت و دبیت ل جهێ ئه‌ز یاریێ دكه‌م نه‌بووینه.
ناڤهاتی گۆتژی ئه‌گه‌رێن سه‌ره‌كی یێن خوڤه‌كێشانا یانێ ڤه‌دگه‌ریت بۆ لایه‌نێ مادی و هه‌كه یانێ داهاته‌كێ باش نه‌دا یاریزانی پێنه‌ڤێت نه‌شێت ئاستێن جوان پێشكێش بكه‌ت، هه‌كه یانه‌یا گاره به‌رده‌وام با دا ئاسته‌كێ جوان پێشكێشكه‌ت، ژبه‌ركو تیمه‌كا گه‌نج و خودان شیان وراهێنه‌رێ سه‌ربۆر هه‌بوون، هه‌ر ل ده‌ستپێكی ده‌مێ مرۆڤ ل یانه‌یه‌كێ ده‌ستپێدكه‌ت و یانێ هه‌موو پێدڤێن مرۆڤی دابینكرن و داهاتیه‌ك به‌رهه‌ڤكر ل وی ده‌می یاریزان نه‌شێت چو كارێن دی ل گه‌ل ته‌پاپێی بكه‌ت، لێ هه‌كه داهاتێ هه‌یڤانه‌یێ كێم بوو دێ چه‌وا به‌رده‌وامیێ ده‌مێ و ئاستێ یاریزانێ مه دزڤریت بۆ وێ چه‌ندێ چو چاڤدان بۆ نینه چ ژلایێ پارێزگه‌هێ بیت یان ژ یانێ بخوه ڤه.