نە‌‌‌هـ ڕاهێنەرێن پارێزگەهێ دێ پشكداریێ د خولەكا نێڤدەولەتی دا كەن
ئەڤرۆ
بڕیارە ل ئەینیا بهێت نەه دادڤانێن یاریا كیك بۆكسینگێ یێن یانەیێن سنۆرێ پارێزگەها دهۆكێ پشكداری خولا راهێنانێ ل سەر ئاستێ باوەرنامەیا نێڤدەولەتی بن ئەوا دێ ژلایێ ئێكەتیا جیهانی wako ب هەڤكاری دگەل ئێكەتیا ئیراقێ بۆ یاریا كیك بۆكسنگێ ل باژێرێ سلێمانیێ هێتە ئەنجامدان.
سالح كەكۆ راهێنەرێ یانەیا دهۆك و هەلبژارتیێ ئیراقێ بۆ رۆژناما ئەڤرۆ گۆت: بۆ جارا ئێكێ یە خولا نێڤدەولەتی ب سەرپەرشتیا ئێكەتیا جیهانی واكۆ بۆ راهێنەرێن ئیراقێ بهێتە ئەنجامدان ژ وانا نەه راهێنەر ژ یانەیێن دهۆك، زاخۆ، ئامێدیێ، شێخان، پیرس و تەناهی كو ئەڤ خولە ژلایێ وانەبێژێن دەولەتی و شارەزا یێ بریتانی ماتیۆس سیمێس، دایمی ئاكین و هاوبیر عەبدوللا شارەزایێن یارێ ب شێوەیێ تیۆری و پراكتیكی ل سەر بابەتێن جودا یێن رێكێن راهێنانێ و چاوانیا پێشئێخستنا یاریێ، دیسان وانەكا تایبەت یا ڤێراگەهشتنا دەستپێكی ژلایێ د. ئالان سەلاح بۆ ماوەیێ سێ رۆژان بەردەوامبیت.
هەروەسان ناڤهاتی گۆت: ئەڤ خولە بۆ راهێنەرێن باوەرپێكری یێن ژلایێ ئێكەتیا كیك بۆكسینگا ئیراقێ و یا پارێزگەهێ هاتیە ڤەكرن، دبینم دێ مفایەكێ مەزن ژێ هێتە وەرگرتن، ژبەركو راهێنەرێن پارێزگەهێ و كوردستانێ پێدڤی ب ڤان جورە خولانە، بۆ زانین دێ باوەرنامەیێن تایبەت ژلایێ ئێكەتیا جیهانی واكۆ ل سەر پشكداران هێنە بەلاڤكرن، بۆ ڤێ خولێ ژی ئەو راهێنەرێن مە هەموو ژی بەرهەڤن و چاڤەڕێ نە پێخەمەت وەرگرتنا نووترین پێشهاتە و زانین ل سەر یاریا كیك بۆكسینگێ كو بكەڤیتە دخزمەتا وەرزشا پارێزگەهێ دا.
